ப்ரீமியம்
கொடி அடுப்பும் ஊதுகுழலும்

வீடு கட்டும்போது கடைசி அறை என்பது அடுப்பு கொண்ட அடுப்பங்கரை (அடுக்களை) தான். மேடை ஒன்று அமைத்து, அதில் இரட்டை அடுப்புகளைப் பதிப்பார்கள். ஓர் அடுப்பு தனியாக இருக்கும். இன்னோர் அடுப்பு உள்ளுக்குள் பாலம் கொண்ட இரட்டை அடுப்பாக இருக்கும். அதற்கு இன்னொரு பெயர் கொடி அடுப்பு. தாய்ச் செடியிலிருந்து கொடி போன்று சிறிய அடுப்புக்குத் தீ போவதால் அந்தப் பெயர்.

அந்தச் சிறிய அடுப்புக்கு என விறகு வைக்கும் வழியெல்லாம் கிடையாது. இப்படிக் கணவன், மனைவி, ஒரு குழந்தை என இப்போதைய சிறு குடும்பம்போல் அந்த மேடை இருக்கும். இந்த அமைப்பிற்கு மேசையடுப்பு என்று பெயர். சில வீடு களில் அடுப்புக்கும் மேலே புகைபோக்கி இருக்கும். பிற்காலத்தில் நேர்த்தியான புகைபோக்கி அமைப்பதற் கான வழிமுறைகள் வந்தன. வீட்டினுள் சிறிதும் புகை வராமல் முழுவதும் மேலே போய்விடும்.