ப்ரீமியம்
காற்றில் மிதக்கும் ஒலிகளிலே... கடலில் தவழும் அலைகளிலே... | பாற்கடல் 15

லட்ச ரூபாய் என்ப தெல்லாம் அந்தக் காலத்தில் கற்பனை செய்ய முடியாதது. லட்ச ரூபாய்க்குச் சொத்து இருந்தால் லட்சாதிபதி. 1950 வாக்கில் ஒரு கிராம் தங்கம் 9 ரூபாய். அது 10 ரூபாய் ஆன போது தங்கம் விலை கிடு கிடு உயர்வு என்று நாளிதழ்களில் செய்தி வந்தது. இன்று கிராம் எட்டாயிரத்தைத் தொட்ட போதும் அதே வாசகங்களைத்தான் நாளிதழ்கள் உபயோகிக்கின்றன.

நாளிதழ்களே சாதாரணர்களுக்கு அன்றைக்குச் செய்திகள் வழங்குவதில் முக்கியப் பங்கு வகித்தன. லட்சாதிபதிகளின் வீட்டில்தான் ரேடியோ இருக்கும். அது அந்தஸ்தின் சின்னம். அதன் பாதுகாப்பும் வீட்டுப் பெரிய ஆண்களிடமே இருக்கும். குழந்தைகள், பெண்களை அதன் பக்கமே போகவிட மாட்டார்கள். ஷாக் அடித்துவிடும் என்பார்கள். உண்மையில் அனுமதி கிடையாதென்றே சொல்ல வேண்டும். சில வீடுகளில் செல்லம் கொடுத்து வளர்க்கும் பெண்களுக்கு ரேடியோ கேட்க மட்டும் அனுமதி உண்டு.