ப்ரீமியம்
சுற்றுலா | தலையைத் தொடும் வெண்மேகங்கள்!

ஊட்டி, கொடைக்கானல், ஏலகிரி போன்று சுற்றுலாப் பயணிகளின் கவனத்தை அதிகம் ஈர்க்காத மலைவாசஸ்தலம் மேக மலை. தேனியிலிருந்து காலையிலும் மாலையிலும் ஒன்றிரண்டு பேருந்துகள் மட்டுமே மேகமலைக்குச் சென்று வருகின்றன. அதனால், நாங்கள் ஒரு வேனில் மேகமலைக்குக் கிளம்பினோம். வழியில் உள்ள கிராமங்களில் திராட்சைத் தோட்டங்களைப் பார்த்துக்கொண்டே சின்னமனூரை அடைந்தோம். அங்கிருந்து மலைப்பயணம் ஆரம்பித்தது.

மலையை நோக்கிச் செல்லச் செல்ல, காற்றில் குளுமையும் அதிகரித்துக் கொண்டே சென்றது. மேகமலை ஊருக்குச் சில கி.மீ.களுக்கு முன்பு ஒரு தனியார் விடுதியில் நுழைந்தோம். அந்த விடுதி மலையின் பக்கவாட்டில் அமைந்திருந்ததால், சில்லென்ற அடர்த்தியான காற்று நம் மீது மோதிக் கொண்டே இருந்தது. மலையின் ஓரத்தில் நின்றால், அதலபாதாளத்தில் விழுந்துவிட வேண்டியதுதான்.