ப்ரீமியம்
திண்ணைப் பேச்சு 29: உறையூர் சுருட்டும் இரண்டாம் உலகப் போரும்

உறையூர் சுருட்டுக்கும் இரண்டாம் உலகப் போருக்கும் என்ன சம்பந்தம்?

இரண்டாம் உலகப் போரில் முக்கியப் பங்கு வகித்த பிரிட்டிஷ் பிரதமர் வின்ஸ்டன் சர்ச்சில் என்றவுடன் நம் நினைவுக்கு வருவது என்ன? நெறித்த புருவமும் கடுகடு முகமும் அவர் வாயில் புகையும் அந்தச் சுருட்டும்தானே? சுருட்டுப் புகைப்பது சர்ச்சிலுக்கு மிகவும் பிடிக்கும். போர் வியூகங்களை வகுக்கும்போது சுருட்டுப் புகைத்தபடி அவர் சுட்டிக்காட்டும் வரைபடத்தின்படி தொலைதூரத்தில் துருப்புகள் நகரும். புகைப்பதற்கும் சிந்திப்பதற்கும் தொடர்பு இருப்பதாக எங்கும் சொல்லப்படவில்லை. ஒரு மனிதர் ஆழ்ந்த சிந்தனையில் மூழ்கியிருப்பதன் அடையாளமாக அவர் பிடிக்கும் சுருட்டிலிருந்து எழும் புகை வளையங்களைச் சித்தரிப்பது திரைப்படங்களில் வருகிற வழக்கமான காட்சிதான்.