வரி விதிப்புப் போரில் வெற்றி யாருக்கு..?

அமெரிக்க அதிபர் டொனால்டு ட்ரம்ப்பின் புதிய வரி விதிப்பு கொள்கையால் உலகளவில் நிச்​சயமற்ற தன்மை ஏற்பட்டுள்ளது. இதனால் இந்த ஆண்டு மொத்த உள்​நாட்டு உற்​பத்தி (ஜிடிபி) வளர்ச்​சிக்​கான உலகளா​விய கணிப்பை சர்வ​தேச நாணய நிதியம் (ஐஎம்​எப்) 2.8% ஆகக் குறைத்​துள்​ளது, இது ஜனவரி​யில் எதிர்​பார்த்த 3.3%-ஐ விட குறைவு ஆகும்.

ட்ரம்பின் வரி விதிப்புகளுக்கு எதிராக இதுவரை பதிலடி கொடுத்த ஒரே நாடு சீனா மட்டுமே. வரிவிதிப்புப் போரில் அமெரிக்காவும் சீனாவும் முக்கிய கதாநாயகர்களாக உள்ளனர். வரிவிதிப்புப் போரால் இரு நாடுகளும் எவ்வாறு பாதிக்கப்படும் என்பதை, 2024 முதல் 2030 வரையிலான காலத்துக்கு ஐஎம்எப் வெளியிட்டுள்ள உலக பொருளாதாரக் கண்ணோட்டத்தின் (WEO) தரவுகளின் அடிப்படையில் பகுப்பாய்வு செய்வோம்.

ட்ரம்ப் வரிவிதிப்பால் அமெரிக்காவின் மொத்த உள்நாட்டு உற்பத்தியில் நடப்புக் கணக்குப் பற்றாக்குறை 3.9%-லிருந்து 2.4% ஆகக் குறையும் என்று ஐஎம்எப் நம்புகிறது. இதன் பொருள், நடப்புக் கணக்குப் பற்றாக்குறையைக் குறைப்பதில் ட்ரம்ப் பெருமளவில் வெற்றி பெறுவார் என்பதாகும்.

ஏற்றுமதி, இறக்குமதி மீதான தாக்கம் மறுபுறம், சீனாவின் மொத்த உள்நாட்டு உற்பத்தியில் 2.3% ஆக உள்ள அந்நாட்டின் நடப்புக் கணக்கு உபரி, 1.5% ஆகக் குறையும் என்று எதிர்பார்க்கப்படுகிறது. அமெரிக்காவின் இறக்குமதி வளர்ச்சி கணிசமாகக் குறையும், ஆண்டுக்கு ஆண்டு 5.3%-லிருந்து 2.1% ஆகக் குறையும். ஏற்றுமதி வளர்ச்சியும் 3.3%-லிருந்து 3% ஆகக் குறைவாக இருக்கும்.

சீனாவைப் பொறுத்தவரை, ஏற்றுமதி வளர்ச்சி 2030-ல் 13.9%-லிருந்து 3.2% ஆகக் கடுமையாக மிதமாகும் என்று எதிர்பார்க்கப்படுகிறது. 7.5% ஆக உள்ள இறக்குமதி 2030-ல் 3.2% ஆகக் குறையும் என்று எதிர்பார்க்கப்படுகிறது. அமெரிக்காவுக்கான நடப்பு கணக்கு பற்றாக்குறை குறைவாக இருப்பதற்குக் காரணம் சேமிப்பு விகிதம் அதிகரிப்பதே ஆகும், இது மொத்த உள்நாட்டு உற்பத்தியில் 17.3%-லிருந்து 19.5% ஆக அதிகரிக்கும் என்று கணிக்கப்பட்டுள்ளது.

முதலீட்டு விகிதம் 21.7%-லிருந்து 21.9% ஆக சற்று உயரும் என்று எதிர்பார்க்கப்படுகிறது. சீனாவைப் பொறுத்தவரை, சேமிப்பு மற்றும் முதலீட்டு விகிதங்கள் (அமெரிக்காவுடன் ஒப்பிடும்போது ஏற்கெனவே அதிகமாக உள்ளன) முறையே 42% ஆகவும் (40.4%-லிருந்து) 43.5% ஆகவும் (42.7%-லிருந்து) உயரும் என்று எதிர்பார்க்கப்படுகிறது.

அமெரிக்காவில் அரசாங்கக் கடன் மொத்த உள்நாட்டு உற்பத்தியில் 120.8%- லிருந்து 128.2% ஆக தொடர்ந்து உயரும் என்று எதிர்பார்க்கப்படுகிறது. சீனாவின் கடன் மொத்த உள்நாட்டு உற்பத்தியில் 88.3%-லிருந்து 116% ஆக கடுமையாக உயரும் என்றும் எதிர்பார்க்கப்படுகிறது. உலகளாவிய ஜிடிபியில் பங்கு அமெரிக்க ஜிடிபி வளர்ச்சி 2.8%-லிருந்து 2.1% ஆக குறையும் என்றும் எதிர்பார்க்கப்படுகிறது. சீனாவின் ஜிடிபி வளர்ச்சியும் 5.0%-லிருந்து 3.4% ஆகக் குறையும் என்றும் எதிர்பார்க்கப்படுகிறது.

இறுதியாக, வாங்கும் திறன் சமநிலை (PPP) அடிப்படையில் ஏற்கெனவே மிகப்பெரிய பொருளாதாரமாக இருக்கும் சீனா, உலகப் பொருளாதாரத்தில் அதன் பங்கை 19.5%-லிருந்து 20.4% ஆக அதிகரிக்கும், அதேநேரம் அமெரிக்காவின் பங்கு 14.9%-லிருந்து 14% ஆக சுருங்கும். முடிவில், அமெரிக்காவுக்கும் சீனாவுக்கும் இடையிலான வரிப் போர்கள் 2030-ம் ஆண்டுக்குள் இரு பொருளாதாரங்களின் முக்கிய அம்சங்களையும் மறுவடி வமைக்கத் தயாராக உள்ளன.

அரசாங்கக் கடன் அதிகரிப்பதும் மொத்த உள்நாட்டு உற்பத்தியின் வளர்ச்சியை மிதப்படுத்துவதும் இரு நாடுகளும் செய்ய வேண்டிய பரந்த பொருளாதார சரிசெய்தல்களை அடிக்கோடிட்டுக் காட்டுகின்றன. நடப்புக் கணக்குப் பற்றாக்குறையைக் குறைக்கும் இலக்கை அமெரிக்கா அடைவது போல் தெரிகிறது. அந்த அளவுக்கு, ட்ரம்பின் இலக்குகள் நிறைவேறியதாகத் தெரிகிறது.

இருப்பினும், இது மெதுவான வர்த்தக வளர்ச்சி, அரசாங்கக் கடன் அதிகரிப்பு மற்றும் மொத்த உள்நாட்டு உற்பத்தியின் வளர்ச்சியைக் குறைத்தல் ஆகியவற்றின் தாக்கத்தால் வருகிறது. ஏற்றுமதி விரிவாக்கம் குறைவாக உள்ள உலகில் வளர்ச்சியைத் தக்க வைத்துக்கொள்வதற்கான சவாலை சீனா எதிர்கொள்கிறது.

இந்த எதிர்க்காற்றுகள் இருந்தபோதிலும், சீனா உலகளாவிய மொத்த உள்நாட்டு உற்பத்தியில் தனது பங்கை மேலும் விரிவுபடுத்த அதிக முதலீடு மற்றும் சேமிப்பு விகிதங்களை பராமரிக்கும் என்று எதிர்பார்க்கப்படுகிறது, இது பாதுகாப்புவாதக் கொள்கைகள் வலுப்பெற்றாலும் உலகப் பொருளாதார சக்தியில் படிப்படியான மாற்றத்தைக் குறிக்கிறது.

- sunilsubramaniam27@gmail.com