டி.என்.பி.எஸ்.சி குரூப் 1 தேர்வு பயிற்சிக்கான எளிய முறை குறிப்புகள் - பகுதி 24

வேதியியல்

ஒரே மாதிரியான மூலக்கூறுகள் அல்லது அணுக்களால் உருவாக்கப்பட்டது தனிமம் ஆகும்.
தற்போது வரை கண்டுபிடிக்கப்பட்ட தனிமங்களின் எண்ணிக்கை 112. அவற்றுள் தீங்கு விளைவிக்கக்கூடிய கதிர்களை உமிழும் கதிரியக்க தனிமங்களின் எண்ணிக்கை 30 . தனிமத்தின் மிகச்சிறிய அலகு அணு. அணு என்ற சொல்லுக்கு 'பிரிக்க முடியாத' என்று பொருள். அணுவில் உள்ள பிரிக்கக்கூடிய துகள்கள் புரோட்டான்கள், எலெக்ட்ரான்கள், நியூட்ரான்கள். ஒரு பொருளின் வேதியியல், தன்மைகளைக் காட்டும் மிகச்சிறிய அலகுதான் மூலக்கூறு எனப்படுகிறது. ஆக்சிஜன், ஹைட்ரஜன், நைட்ரஜன், குளோரின் போன்றவை ஈரணு மூலக்கூறு உடையவை. ஓசோன் மூலக்கூறுக்கு மூன்று அணுக்கள் உள்ளன. தாமிரம், வெள்ளி ஆகியவை ஓரணு தனிமங்களாகும்.

சில வேதிப்பெயர்களும் அவற்றுக்கான லத்தீன்பெயர்களும்

டோமியோ என்கிற கிரேக்கச் சொல்லிற்கு பிரி அல்லது உடை என பொருள்படும். அனைத்துத் தனிமங்களும் மேலும் பிளக்க முடியாத அணுக்கள் என கூறப்படும் சிறு துகள்களால் ஆனது எனக் கூறியவர் ஜான் டால்டன். சேர்மம் என்பது இரண்டு அல்லது அதற்கு மேற்பட்ட தனிமங்கள் ஒரு குறிப்பிட்ட நிறை விகிதத்தில் இணைந்து உருவாகும் பொருள். கார்பன்-டை-ஆக்ஸைடு, குளோரோஃபில், நீர் ஆகியன சேர்ம வகையைச் சார்ந்தவை.

சில பொருள்களின் வேதிப்பெயர்

நீரின் மூலக்கூறை ஹைட்ரஜன் மோனாக்சைடு அல்லது ஆக்சிஜன் ஹைட்ரைடு எனலாம்.
நீரின் கன அளவை ஹாப்மன் வோல்டா மீட்டர் மூலம் கண்டறியலாம். எதிர் சவ்வூடு பரவல் முறையில் கடல்நீரைக் குடிநீராக மாற்றலாம்.
காப்பர் சல்பேட்டும் சுண்ணாம்பு நீரும் சேர்ந்த கலவை போர்டோ கலவையாகும். காற்று ஒருபடித்தான கலவையாகும். இரும்புத்தூள், மரத்தூள், சாதாரண உப்பு ஆகியவை பலபடித்தான கலவைகளாகும். புகை என்பது காற்றும் கார்பன் துகள்களும் கலந்த கலவையாகும். பியூட்டேன், பென்டேன் வாயுக்களின் கலவையே சமையல் எரிவாயு ஆகும்.

சில பொருட்கள், தயாரிப்புகள், செயல்களுக்குத் பயன்படும் வேதிப்பொருள்கள்

அம்மோனியம் பாஸ்பேட் உரமாக பயன்படுகிறது. எதஎரிதலுக்கு துணை புரியும் வாயு ஆக்சிஜன். எலும்பு மற்றும் பற்களில் உள்ள தனிமம் கால்சியம் பாஸ்பேட்.
அமிலத்துக்கான ஆங்கிலச் சொல்லான ஆசிட்(Acid), அசிடஸ் என்ற லத்தீன் மொழிச் சொல்லில் இருந்து வந்தது. நீரில் கரைக்கப்படும் போது ஹைடிரஜன் அயனிகளைக் கொடுப்பது அமிலம் ஆகும். தாவரங்களிலிருந்தும் விலங்குகளிலிருந்தும் பெறப்படும் அமிலங்கள் கரிம அமிலங்கள் எனவும் தாதுப்பொருட்களிலிருந்து பெறப்படும் அமிலங்கள் கனிம அமிலங்கள் எனவும் கூறுகிறோம். வேதிப் பொருட்களின் அரசன் என அழைக்கப்படும் அமிலம் கந்தக அமிலமாகும். நைட்ரிக் அமிலத்தின் பொதுப்பெயர் அக்குவா போர்டிஸ். தோல், உலோகங்கள் ஆகியவற்றை அரிக்கும் தன்மையுடையது அமிலம். அமிலங்கள் நீல லிட்மஸ் தாளை சிவப்பு நிறமாக மாற்றும். பினாப்தலின் நிறங்காட்டியுடன் அமிலங்கள் வினைபுரிந்து நிறமற்ற தன்மையைத் தரும். மேலும் மெதில் ஆரஞ்சுடன் வினைபுரிந்து இளஞ்சிவப்பு நிறத்தை கொடுக்கும்.

சில அமிலங்களும் அவை காணப்படும் பழம்/பொருட்களும

தொகுப்பு - ஜி.கோபாலகிருஷ்ணன், போட்டித்தேர்வு பயிற்சியாளர், குளோபல் விக்கிமாஸ்டர்
முந்தைய பகுதி - https://www.hindutamil.in/news/supplements/thisai-katti/896879-tnpsc-group-1-simple-notes-for-preparation-part-23-3.html

நிறைவுப் பகுதி நவம்பர் 18 (வெள்ளிக்கிழமை) அன்று வெளியிடப்படும்