கேளாய் பெண்ணே: மழலைச் சத்தம் கேட்குமா?

பெயர் வெளியிட விரும்பாத வாசகி

மகப்பேறு மருத்துவர்

ஏ.ஆர். சாந்தி, சென்னை.

உங்கள் உடல் எடை, தைராய்டு ஆகியவை சரியாக இருந்து இளம் வயதாக இருக்கும்பட்சத்தில் கருமுட்டையை வளர்ச்சியடையச் செய்யும் மாத்திரைகள், ஊசிகள் இவற்றின் உதவியை நாடலாம். அப்படி வளர்ச்சியடையும் கருமுட்டைகளைக் கருப்பையில் இருந்து வெளியே எடுத்து செயற்கைக் கருவூட்டல் முறையில் கருவுறச் செய்யலாம். சினைக் குழாயில் அடைப்பு இல்லையென்றால் கருமுட்டை கருப்பைக்குள் இருக்கும்போதே செயற்கைக் கருவூட்டலை மேற்கொள்ளலாம். அதனால் நீங்கள் மனம் தளராமல் அருகில் உள்ள மகப்பேறு மருத்துவரைச் சந்தித்துத் தகுந்த ஆலோசனை பெறுங்கள்.

ஒருவேளை உடல் பருமன், தைராய்டு பாதிப்பு, கருப்பையில் நீர்கட்டிகள் போன்ற பிரச்சினைகள் இருந்தால் அவற்றை ஓரளவுக்குச் சரிசெய்துவிட்டுப் பிறகு கருவுறுதலுக்கு முயலலாம். பொதுவாக இதுபோன்ற கேள்விகளைக் கேட்கும்போது உங்கள் வயது, உடல் எடை, தைராய்டு, நாள்பட்ட நோய்க்கு மாத்திரைகள் எடுத்துக்கொள்ளுதல் (உதாரணத்துக்குக் காசநோய்க்கு சிகிச்சை எடுத்துவருவது) போன்றவற்றையும் சொன்னால், மருத்துவர்கள் உங்களின் பிரச்சினைகளைச் சரியாகப் புரிந்துகொண்டு பதில் அளித்து உதவ முடியும்.