குறிப்புகள் பலவிதம்: பல்லுக்குக் கடுக்காய்!

# கடுகை ஊறவைத்து அரைத்து தினமும் முட்டியில் தடவில்வந்தால் முட்டியில் உள்ள கருமை நிறம் மாறிவிடும்.

# வெயில் காலத்தில் கடலை மாவு, எலுமிச்சை சாறு, பால் ஆகிய மூன்றையும் கலந்து முகத்தில் தடவிப் பத்து நிமிடங்கள் ஊறவைத்துக் கழுவினால் முகம் மிருதுவாக இருக்கும்.

# கடுக்காய்ப் பொடியைப் பல் பொடியுடன் கலந்து பல் தேய்த்தால் பல் பிரச்சனைகள் நீங்கிவிடும்.

- செண்பகவள்ளி, பாளையங்கோட்டை.

# வெண்டைக்காயைச் சமைப்பதற்கு முன் அதில் சிறிதளவு எலுமிச்சை சாறு தெளித்தால் சமைக்கும்போது ஒட்டிக்கொள்ளாது.

# காபி, டீ பாத்திரங்களில் உள்ள கறை மறைய ஈரத்துணியில் சிறிது சோடா மாவை தடவி பாத்திரத்தை தேய்த்துப் பிறகு வழக்கம் போல் கழுவலாம்.

# மிக்ஸியில் தயிர் கடையும்போது சிறிது நேரம் ஓடிய பின் ஐந்து நிமிடங்கள் நிறுத்திவிட்டுப் பிறகு ஓடவிட்டால் வெண்ணைய் நன்கு திரண்டுவரும்.

- இந்திரா முருகேசன், பெருஞ்சேரி.