ப்ரீமியம்
வேலையில் பேதங்கள் எதற்கு? | உரையாடும் மழைத்துளி 41

இந்த உலகத்தில் எது நிலையானதாக இருக்கிறதோ இல்லையோ ஆண்கள் செய்யும் வேலை - பெண்கள் செய்யும் வேலை என்கிற பாகுபாடு மட்டும் நிலையானதாக இருந்துவிடுமோ என்கிற அச்சம் எனக்கு இருக்கிறது. அதற்கு முக்கியமான காரணம், எப்போதுமே வேலை என்பது உடல் சார்ந்த ஒரு பங்களிப்பு. அதற்கு ஆண் - பெண் என்கிற பேதம் கிடையாது. வேண்டுமானால் ஓர் ஆண் செய்யக்கூடிய மிகக் கடினமான உடல் உழைப்பு தேவைப்படும் சில வேலைகளைப் பெண்கள் செய்வதில் சிலநேரம் சிரமங்கள் இருக்கக்கூடும். உதாரணமாக லாரியில் மூட்டை ஏற்றும் வேலையை அவ்வளவு எளிதாக ஓர் ஆணைப் போலப் பெண் செய்துவிட இயலாது. அதை ஒப்புக்கொள்ளும் அதேநேரம், ஒரு வாகனம் ஓட்டும் வேலையையோ மருத்துவத் தொழிலை மேற்கொள்வதோ எந்தவிதமான பாலின வேறுபாட்டுக்குள்ளும் வராதவை.