ப்ரீமியம்
பச்சை வைரம் 22: செரிமானச் சிக்கல்களைத் தீர்க்கும் புதினா

கீரைகளிலேயே சலிப்பின்றி வாசனையை உதிர்த்துக் கொண்டே இருக்கும் மணமிக்க கீரை புதினா. முகர்ந்து பார்த்தால் நாசித் துளைகள் வழியே வாசனையைப் பரப்பி மனதை உற்சாகப்படுத்தும். உணவாக எடுத்துக்கொண்டால் இரைக் குழல் வழியே ஆரோக்கியத்தை அனுப்பி உடலைக் குதூகலப்படுத்தும்!

கார்ப்புச் சுவையோடு துவர்ப்பையும் உடலுக்கு வழங்கும் அற்புதக் கீரை புதினா. கீரைகளிலேயே குளிர்ச்சியையும் வெப்பத்தையும் சம அளவில் பிரித்துக் கொடுக்கும் அதிசயக் கீரை ரகம் இது.