ப்ரீமியம்
மாய உலகம்!: நான்தான் சாத்தான் பேசுகிறேன்...

என்னைப் பற்றி இதுவரை நீங்கள் கேள்விப்பட்ட அனைத்தையும் ஒரு நிமிடம், ஒரே ஒரு நிமிடம் மறந்துவிட்டு, நான் சொல்வதைக் காது கொடுத்துக் கேளுங்கள். என்னைப் பற்றி மற்றவர்கள் சொல்லித்தான் இதுவரை கேள்விப்பட்டிருப்பீர்கள். அந்த மற்றவர்கள் பெரும்பாலும் பயங்கரமான கதைகளையே சொல்லியிருப்பார்கள். என் தரப்பு என்னவென்று நீங்கள் தெரிந்துகொள்ள வேண்டாமா?

எனக்கென்று ஒரு பெயர் இருக்கிறது. ‘மெஃபிஸ்டோஃபெலஸ்’. மற்றவர்கள் எனக்கு வைத்த பெயர், ‘சாத்தான்’. என் நகங்கள் உங்கள் நகங்களைவிடக் கொஞ்சம் கூர்மையாக இருக்கும். என் தலையில் சிறிய கொம்புகள் முளைத்திருக்கும். கடைவாய்ப் பற்கள் வெளியில் நீட்டிக்கொண்டிருக்கும். மற்றபடி நானும் உங்களில் ஒருவன்தான்.