கா...கா...கா...

மனிதர்களுக்கு ஆடு, மாடு, நாய், பூனை போன்ற விலங்குகள் மிகவும் நெருக்கமாக இருப்பதுபோல, பறவைகளில் காகமும் நெருக்கமானது. காகங்களைப் பற்றிக் கொஞ்சம் பார்ப்போமா?

# காகம் கார்விடே குடும்பத்தைச் சேர்ந்தது.

# காகம் பொதுவாகக் கரிய நிறம் கொண்டது.

# உலகில் இதுவரை 40 வகையான காகங்கள் கண்டுபிடிக்கப்பட்டுள்ளன.

# தென் அமெரிக்கா மற்றும் பசிபிக் கடலில் உள்ள சில தீவுகளில் காகம் கிடையாது.

# காகக் கூட்டத்தை ஆங்கிலத்தில் ‘மர்டர்’ (Murder) என்றழைக்கிறார்கள்.

# காகத்தின் பிறப்பிடம் ஆசியா.

# காகங்கள் சராசரியாக 20 வயதுவரை வாழ்கின்றன.

# யுத்தம் மற்றும் மரணத்துடன் இணைத்து காகத்தைப் பார்க்கும் பழக்கம் அயர்லாந்து மக்களுக்கு உள்ளது.

# இந்தியாவைப் போலவே ஸ்வீடனில் இறந்தவர்களின் ஆவியாகக் காகத்தைக் கருதுகிறார்கள்.

# டென்மார்க்கில் காகம், பேய் ஓட்டுபவர்களின் பறவையாகப் பார்க்கப்படுகிறது.

# ஆஸ்திரியாவில் காகத்தைத் தந்திரமும் புத்திசாலித்தனமும் நிறைந்த பறவையாக நினைக்கிறார்கள்.

தகவல் திரட்டியவர்: கே. மகேந்திரன், 8-ம் வகுப்பு,
ஊராட்சி ஒன்றிய நடுநிலைப் பள்ளி, பள்ளிப்பட்டு.