நினைத்ததைச் சொல்லும் மந்திர கணக்கு

ஒரு ஆச்சரியமான மாயக் கணக்கின் மூலம் உங்களுடைய தாத்தா, பாட்டி, அப்பா, அம்மா வயதை மட்டுமல்லாமல் நீங்கள் நினைத்த எண்ணையும் கண்டுபிடிக்க முடியும். முயற்சி செய்து பார்க்கிறீர்களா?

முதலில் 0 முதல் 9 வரையிலான எண்ணில் ஒன்றை நினைத்துக்கொள்ளுங்கள். அந்த எண்ணை இரண்டால் பெருக்கினால் ஒரு விடை கிடைக்கும். அதனுடன் ஐந்தை கூட்டிக் கொள்ளவும்.

இப்போது கிடைக்கும் விடையை 50-ஆல் பெருக்கவும். இப்போது உங்களுக்கு ஒரு விடை கிடைக்கும். அதனுடன் 1764 என்ற எண்ணை கூட்டவும். அந்த விடையில் இருந்து உங்கள் தாத்தா, பாட்டி, அம்மா, அப்பா என யாரரவது ஒருவருடைய பிறந்த ஆண்டையாவது கழிக்கவும். அப்போது, 3 இலக்கத்தில் ஒரு விடை உங்களுக்குக் கிடைக்கும்.

அந்த விடையில், முதலாவது இருப்பது நீங்கள் நினைத்த எண். அடுத்த இரு இலக்க எண் யாருடைய பிறந்த ஆண்டை கழித்தீர்களோ, அவர்களுடைய வயது.

உதாரணமாக, நீங்கள் 9 என்ற எண்ணை நினைத்ததாக வைத்துக் கொள்ளுங்கள். முதலில் 9ஐ இரண்டால் பெருக்கினால் 18 கிடைக்கும். அத்துடன் ஐந்தைக் கூட்டும்போது 23 என்ற விடை கிடைக்கும். அந்த எண்ணை 50-ஆல் பெருக்குவோம். அப்போது, 1150 கிடைக்கும். அத்துடன் 1764ஐக் கூட்டும்போது 2914 கிடைக்கும். உங்கள் அப்பா 1974-ல் பிறந்தார் என்று வைத்துக் கொள்வோம். இப்போது 2914 என்ற எண்ணில் இருந்து 1974-ஐக் கழித்தால் கிடைப்பது 940.

இதில், 9 என்பது நீங்கள் நினைத்த எண். கடைசி இரு எண்களான 40 உங்கள் தந்தையின் வயது.

இதுபோல, நீங்களும் செய்து நண்பர்களை அசத்தலாமே!