ப்ரீமியம்
வியர்வையைப் பனியாகப் பாவித்த விஜய்! | ப்ரியமுடன் விஜய் 31

ஒளிப்பதிவாளர் ஜீவாவின் ‘படைப்பாற்றல்’ மிகவும் பொறுப்புணர்வு மிக்க ஒன்று. சரியான காரணம் இருந்தால் தவிர, ஃபிரேமில் எதுவொன்றும் எதன் ஆதிக்கத்திலும் மறைந்துபோய்விடக் கூடாது என்று மிக கவனமாகப் பார்த்துக் கொள்வார். அப்படித்தான் அன்று விஜய் அணிந்திருந்த டி-ஷர்ட்டின் கலரும் பேக்ரவுண்டின் கலரும் ஒன்றாக இருந்தது.

ஜீவா என்னிடம் ‘விஜயை வேறு கலர் டி-ஷர்ட் மாற்றச் சொல்லுங்கள்; கலர் மெர்ஜ் ஆகிறது’ என்றார். நான் விஜயிடம் சற்றுத் தயங்கியபடி ‘விஜய் வேற டி-ஷர்ட் மாத்திக்க முடியுமா?.. கலர் இஷ்யூ..’ என்றேன். விஜய் ‘இதோ மாத்திடுறேங்கண்ணா.’ என்றபடி தன்னுடைய உதவியாளரை அழைத்தார். ‘குடைய விரிச்சு என்னை மறைச்சுப்பிடிச்சுக்கப்பா..’ என்றார்.