ப்ரீமியம்
காதலிசை - ‘நீ பேசும் பேச்சு அய்யோ அள்ளிடுதே..’

இசை ஆட்கொண்டு விடுகிறபோது, கொஞ்சம் உன்மத்த நிலைக்குப் போய்விடுகிறது மனம். கடந்த காலத்தின் இசைக்கொடை, விவரிப்புக்கு அப்பாற்பட்டது. நிகழ்காலமும் ரசனை கொண்டாடிகளை ஏமாற்றி விடுவதில்லை. அண்மையில் ஒரு திரைப்படத்தைப் பார்க்கையில் அதன் அதிர்ச்சியான சமூகச் செய்தி ஒரு பக்கம் ஆட்டிப்படைத்துக் கொண்டிருக்க, மறுமுனையில் உள்ளம் ஆழ்ந்துபோய் அதை அருந்திச் சேமித்துக் கொண்ட ஒரு பாடல், படுத்தி எடுத்துக்கொண்டிருக்கிறது.

காதல் இதயங்களின் மயக்க கீதம்தான் அது. ஆனால், அது கட்டமைக்கப்பட்ட மெட்டும் அதில் பட்டுத் தெறித்திருக்கும் சொற்களும் பாடகர்கள் அதன் நுட்பங்களை ரசிகர்களுக்குக் கடத்தும் இன்பமும் இசைக் கருவிகளின் கொண்டாட்டமும் பாடலைப் பேச வைக்கின்றன.