ப்ரீமியம்
தீப ஒளித் திருநாள் | முறுக்கு, அதிரசம், ஓட்ட வடை

தீபாவளி வருகிற தென்றால் ஒரு வாரம், பத்து நாள்களுக்கு முன்பே அம்மா பரபரப்பாகி விடுவார். முறுக்கு, அதிரசம் இவை இரண்டும்தான் எங்கள் பகுதியின் முதன்மை யான தீபாவளிப் பலகாரங்கள். ஓட்டவடையும் உண்டு. சென்னையில் அதைத் ‘தட்டை’ என்று அழைக்கிறார்கள். சிலர் ‘தட்டடை’ எனவும் சொல்கிறார்கள். ஐப்பசியில் அடிக்கடி மழை பெய்யும். அதனால், முறுக்குக்குப் பச்சரிசியை வெயிலில் காயவைத்து எடுப்பதற்கு அம்மா நாள் பார்ப்பார். பளீரென்று வெயில் அடிக்கும் என்பது உறுதியானால் பச்சரிசியை நன்றாகக் கழுவி வெயிலில் காயவைத்து எடுப்பார். உளுந்தைப் பொன்னிறமாக வறுத்து அரிசியோடு கலந்து மிஷினில் கொடுத்து மாவாக அரைத்துக்கொண்டு வருவார்.