வார ராசிபலன் 24-10-2019 முதல் 30-10-2019 வரை (துலாம் முதல் மீனம் வரை)

துலாம் ராசி வாசகர்களே

இந்த வாரம் ராசிநாதன் சுக்கிரனின் பாதசாரம் மிகவும் அனுகூலம் தரும் வகையில் இருக்கிறது. எதிலும் லாபமான நிலை காணப்படும். சிலருக்கு இடமாற்றம் உண்டாகலாம். தொழில், வியாபாரத்தில் பழைய பாக்கிகள் வசூலாகும். உத்தியோகத்தில் உங்கள் சிரத்தைக்கும் அர்ப்பணிப்புக்கும் தகுந்த மரியாதை கிடைக்கும். குடும்பத்தில் பிரச்சினைகள், எதிர்ப்புகள் தீரும். கணவன் மனைவிக்குள் சமாதானம் நிலவும்.

பிள்ளைகளால் பெருமை உண்டாகும். பெண்களுக்கு சாமர்த்தியமான பேச்சினால் காரியங்களை வெற்றிகரமாக செய்து முடிப்பீர்கள். கடன் பிரச்சினைகள் கட்டுக்குள் இருக்கும். கலைத் துறையினருக்கு திறமைக்கேற்ற கதாபாத்திரங்கள் கிடைக்கப்பெறுவீர்கள். நிலுவைப் பணமும் கைக்கு வந்துசேரும். சுகவாழ்வு அமையும். அரசியல்வாதிகளுக்கு மனக்குழப்பம் நீங்கும். பொருளாதார முன்னேற்றம் உண்டாகும். மாணவர்களுக்கு, கூடுதல் நேரம் ஒதுக்கி நம்பிக்கையுடன் பாடங்களைப் படிப்பது வெற்றிக்கு உதவும்.

அதிர்ஷ்டக் கிழமைகள்: திங்கள், வெள்ளி
திசைகள்: மேற்கு, தென்மேற்கு
நிறங்கள்: வெள்ளை
எண்கள்: 2, 5, 6
பரிகாரம்: சுக்கிர பகவானை தீபம் ஏற்றி வணங்க, எதிர்பார்த்த காரியங்கள் நன்றாக நடந்து முடியும். பணவரவு கூடும்.

விருச்சிக ராசி வாசகர்களே

இந்த வாரம் தனஸ்தானத்தில் இருக்கும் குரு, சனியால் பணவரவு உண்டாகும். சுபச்செலவுகள் அதிகரிக்கும். ஆரோக்கியக் குறைபாடு வரலாம். தொழில், வியாபாரத்தில் திடீர்ச் செலவுகள் உண்டாகும். வீண் அலைச்சல் காணப்படும். உத்தியோகத்தில் கூடுதலாக உழைக்க வேண்டி இருக்கும். மேலதிகாரிகளுடன் கவனமாகப் பேசவேண்டும். குடும்பத்தில் உறவினர் வருகை இருக்கும்.

கணவன் மனைவிக்குள் மகிழ்ச்சி நீடிக்கும். தந்தையின் உடல்நலத்தில் கவனம் தேவை. பெண்களுக்கு எதிலும் எதிர்பாராத தடைகள் உண்டாகலாம். கலைத் துறையினருக்குத் திறமைக்கேற்ற புகழும், கவுரவமும் கிடைக்கும். நண்பர்கள் உதவுவார்கள். அமைதியாகச் செயலாற்றுவீர்கள். அரசியல்வாதிகளுக்கு மனதிருப்தியுடன் காரியங்களை செய்து சாதகமான பலன் பெறுவீர்கள். பயணம் செல்ல நேரலாம். மாணவர்களுக்கு கல்வியில் வெற்றி பெறவும், மேல்படிப்பு படிக்கவும் எடுக்கும் முயற்சிகளில் பலன் கிடைக்கும்.

அதிர்ஷ்டக் கிழமைகள்: ஞாயிறு, புதன், வெள்ளி
திசைகள்: வடக்கு, வடகிழக்கு, தென்கிழக்கு
நிறங்கள்: சிவப்பு, அடர் நீலம்
எண்கள்: 2, 9
பரிகாரம்: மாரியம்மனை தீபம் ஏற்றி வழிபட எல்லா பிரச்சனைகளும் தீரும். மனக்கவலை நீங்கும்.

தனுசு ராசி வாசகர்களே

இந்த வாரம் ராசியில் சனி இருந்தாலும் ராசிநாதன் குரு மிக அனுகூலமாக இருப்பதால் சில குழப்பங்கள் நேர்ந்தாலும் இதுவரை நடைபெறாம் இருந்த காரியம் நிறைவேறும். அரசாங்க ரீதியான முயற்சிகள் சுபமாகும். உத்தியோகத்தில் உயர்ந்த நிலைக்கு வருவார்கள். உழைப்புக்குப் பலன் கிடைக்கும். உங்கள் மதிப்பு உயரும். வாழ்க்கைத் துணையுடன் அனுசரித்துச் செல்வீர்கள். பிள்ளைகள் நலனில் அக்கறை தேவை.

விருந்தினர்கள் வந்து செல்வார்கள். பெண்களுக்கு இழுபறியாக இருந்த வேலைகள் சாதகமாக நடந்து முடியும். மனம்மகிழும் சம்பவங்கள் நடக்கும். கலைத் துறையினருக்கு தொழிலில் சில வாக்குவாதங்கள் நிகழலாம். அரசியல்வாதிகளுக்கு பிரபலங்களின் உதவி கிடைக்கும். தன்னம்பிக்கை அதிகரிக்கும். விடாமுயற்சியுடன் ஈடுபட்டுக் காரியங்களில் வெற்றி பெறுவீர்கள். விருப்பங்கள் கைகூடும். மாணவர்களுக்கு, கல்வியில் முன்னேற்றம் காண கடுமையாக உழைக்க வேண்டி இருக்கும். கல்விச் செலவு கூடும்.

அதிர்ஷ்டக் கிழமைகள்: திங்கள், வியாழன், வெள்ளி
திசைகள்: கிழக்கு, தென்மேற்கு
நிறங்கள்: வெள்ளை, மஞ்சள்
எண்கள்: 1, 3, 6
பரிகாரம்: சித்தர்களை வணங்கி வர மன அமைதி உண்டாகும்.

மகர ராசி வாசகர்களே

இந்த வாரம் யோககாரகன் சுக்கிரன் தனது அதிர்ஷ்ட யோகத்தை வாரி வழங்குவதால் எல்லா வசதிகளும் உண்டாகும். முக்கியப் பொறுப்புகளை வகிப்பவர்கள் கவனமாக இருத்தல் வேண்டும். குடும்பத்தினருடன் அனுசரித்துச் செல்ல வேண்டும். கணவன் மனைவிக்குள் மனம்விட்டுப் பேசி எடுக்கும் முடிவுகள் நன்மை தருவதாக இருக்கும். பிள்ளைகளின் எதிர்காலம் குறித்த கவலை உண்டாகலாம். பெண்களுக்கு ஆடை ஆபரணம் வாங்குவீர்கள். கலைத் துறையினருக்கு தொழில் தொடர்பாக வீண் அலைச்சல் இருக்கும். புதிய ஒப்பந்தங்களில் கையெழுத்திடுவீர்கள். சக கலைஞர்களிடம் நிதானத்தைக் கடைபிடிக்க

வேண்டும். அரசியல்வாதிகளுக்கு மேலிடத்துடன் எச்சரிக்கையாக இருக்க வேண்டும். அவர்களின் கோபத்துக்கு ஆளாகாமல் பார்த்துக் கொள்ளவேண்டும். நீண்ட நாட்களாக எதிர்பார்த்த பதவி கிடைக்கும். மாணவர்களுக்கு, பாடங்களைப் படிப்பதில் திருப்தி உண்டாகும். கல்விப் பயணங்கள் செல்ல நேரிடலாம்.

அதிர்ஷ்டக் கிழமைகள்: திங்கள், வெள்ளி
திசைகள்: தெற்கு, தென்மேற்கு
நிறங்கள்: வெளிர் நீலம், பச்சை
எண்கள்: 2, 5, 6
பரிகாரம்: வினாயகருக்கு தீபம் ஏற்றி வழிபட எதிர்ப்புகள் விலகும். குடும்பத்தில் அமைதி நிலவும்.

கும்ப ராசி வாசகர்களே

இந்த வாரம் கடும் முயற்சிக்குப் பிறகு காரியங்களில் வெற்றி ஏற்படும். தொழிலில் போட்டிகள் விலகும். உத்தியோகத்தில், எதிர்பார்த்த பதவி உயர்வு கிடைக்கலாம். சம்பள உயர்வும் வரலாம். குடும்பத்தில் சுபகாரியங்கள், மகிழ்ச்சியான கொண்டாட்டங்கள் இருக்கும். அதேநேரத்தில் கணவன், மனைவிக்குள் மனவருத்தம் ஏற்படலாம். அக்கம்பக்கத்தினருடன் சில்லறைச் சண்டைகள் வரலாம். கவனமாக இருக்க வேண்டும். பிள்ளைகளை அவர்கள் போக்கில் விட்டுப் பிடிப்பது நல்லது.

பெண்களுக்கு, அடுத்தவர்கள் பிரச்சினையைத் தீர்த்து வைப்பீர்கள். கலைத் துறையினருக்கு அடுத்தவர் விவகாரங்களில் வீணாகத் தலையிட வேண்டாம். பகைவர்கள் பணிந்து போகவும் வாய்ப்புகள் உண்டு. அரசியல்வாதிகளுக்கு, வளர்ச்சி நிலை இது. கவனம் தேவை. செலவைக் குறைப்பதனால் பணத்தட்டுப்பாடு குறையலாம். மாணவர்களுக்கு, கல்வியில் சிக்கல்கள் தீரும். ஆசிரியர்களின் ஆலோசனையைக் கேட்பது கூடுதல் மதிப்பெண் பெற உதவும்.

அதிர்ஷ்டக் கிழமைகள்: ஞாயிறு, செவ்வாய், வியாழன்
திசைகள்: மேற்கு, தென்மேற்கு, வடகிழக்கு
நிறங்கள்: நீலம், பச்சை
எண்கள்: 2, 6
பரிகாரம்: எள் சாதத்தை சனி பகவானுக்கு நைவேத்தியம் செய்து காகத்துக்குப் படையுங்கள்.

மீன ராசி வாசகர்களே

இந்த வாரம் தனஸ்தானத்தை அதிபதி செவ்வாய், ராசிநாதன் குரு பார்ப்பதால் பணவரவு அதிகரிக்கும். அறிவுத்திறன் வெளிப்படும். தொழிலில் வாடிக்கையாளர் மத்தியில் மதிப்பு கூடும். உத்தியோகத்தில் தேவையற்ற பயணம் செல்ல நேரலாம். கூடுதல் பொறுப்புகள் வந்து சேரும். குடும்பத்தினரை அனுசரித்துச் செல்ல வேண்டும். கணவன் மனைவிக்குள் இடைவெளி குறையும். பிள்ளைகளின் எதிர்காலம் பற்றிய சிந்தனை அதிகரிக்கும்.

பெண்களுக்கு எதிர்பாராத செலவு உண்டாகும். நட்பில் கவனம் தேவை. பணவரவு தாமதப்படும். கலைத் துறையினருக்கு புதிய வாய்ப்புகள் கிடைக்கும். ரசிகர் மன்றங்களுக்குச் செலவு செய்து மகிழ்வீர்கள். அரசியல்வாதிகள் போட்டிகளைத் தவிர்க்க துணிச்சலான முடிவுகளை எடுக்க நினைப்பீர்கள். மாணவர்களுக்கு, எந்தப் பாடத்தைப் படித்தாலும் கவனத்தைச் சிதறவிடாமல் படிக்க வேண்டும்.

அதிர்ஷ்டக் கிழமைகள்: செவ்வாய், வியாழன், வெள்ளி
திசைகள்: வடக்கு, வடமேற்கு
நிறங்கள்: வெள்ளை, மஞ்சள்
எண்கள்: 1, 3
பரிகாரம்: குல தெய்வத்தை தீபம் ஏற்றி வணங்கி வருவது குழப்பத்தைப் போக்கும். செல்வம், செல்வாக்கு உயரச் செய்யும். தடை, தாமதம் நீங்கும்.