ப்ரீமியம்
தங்க மழை பொழிவித்த ஸ்ரீ வேதாந்த தேசிகர்

வைணவ சமய ஆச்சாரியர்களுள் ‘தூப்புல் பிள்ளை’ என்று அழைக்கப்படும் ஸ்ரீமத் வேதாந்த தேசிகர் (வேங்கடநாதன்) மிகவும் குறிப்பிடத்தக்கவர். ராமானுஜரின் சம்பிரதாயங்களைப் பின்பற்றி, தமிழ், சம்ஸ்கிருதம், ப்ராக்ருதம், மணிப்பிரவாள மொழிகளில் 124 நூல்கள் எழுதி வைணவ நெறியைப் பரப்பினார்.

ஒருசமயம் காஞ்சிபுரம் எனும் தலத்தில் உள்ள அத்திகிரி என்று அழைக்கப்படும் வேழமலையில் நான்முகன் அஸ்வமேக யாகம் செய்ததன் பலனாக, திருமால் ‘வரதர்’ எனும் திருநாமத்துடன் அருள்பாலிக்கிறார். இத்தலத்துக்கு அருகே உள்ள திருத்தண்கா (ஸ்ரீதூப்புல்) தலத்தில் அனைத்து சாஸ்திரங்களையும் கற்றுணர்ந்த அனந்தாசாரியார் (அனந்தசூரி) என்ற வைணவர் வசித்து வந்தார். இவர் ரங்கராஜ அப்புள்ளாரின் சகோதரி தோதாரம்பையை மணந்து இனிய இல்லறம் நடத்தி வந்தார்.