பிரீமியர் பாட்மிண்டன் லீக் சென்னை அணிக்கு முதல் தோல்வி

பிரீமியர் பாட்மிண்டன் லீக்கில்சென்னை சூப்பர் ஸ்டார்ஸ்அணி, புனே 7 ஏசஸ் அணியிடம் தோல்வியடைந்தது.

ஹைதராபாத்தில் உள்ள பாலயோகி உள்ளரங்க மைதானத்தில் நேற்று நடைபெற்ற இந்த ஆட்டத்தில் முதலில் கலப்பு இரட்டையர் பிரிவில் போட்டி நடைபெற்றது. இதில் சென்னை அணியின் சாட்விக் சாய்ராஜ் ராங்கி ரெட்டி, ஜெசிகா புக் ஜோடி 10-15, 12-15 என்ற நேர் செட்டில் புனே அணியின் கிறிஸ் அட்காக், கேப்ரியல் அட்காக் ஜோடியிடம் தோல்வி கண்டது.

இதையடுத்து நடைபெற்ற மகளிர் ஒற்றையர் பிரிவு ட்ரம்ப் ஆட்டத்தில் சென்னை அணியின் கிறிஸ்டி கில்மோர் 15-12, 15-6 என்ற நேர்செட்டில் ரிதுபர்னா தாஸைதோற்கடித்தார். இதனால் சென்னை 2-1 என முன்னிலை பெற்றது. தொடர்ந்து நடைபெற்ற ஆடவர் ஒற்றையர் பிரிவு ஆட்டத்தில் சென்னையின் லக்சயா சென் 13-15, 15-10, 8-15 என்ற கணக்கில் புனே வீரர் கீன் யூ லோவிடம் தோல்வியடைந்தார். இதனால் ஆட்டம் 2-2 என சமநிலையை எட்டியது.

இதையடுத்து நடைபெற்ற ஆடவர் இரட்டையர் பிரிவு ஆட்டத்தில் சென்னை அணியின் சாட்விக் சாய்ராஜ், சுமித் ரெட்டிஜோடி 12-15, 14-15 என்ற நேர் செட்டில் சிராக் ஷெட்டி, ஹேந்திரா ஜோடியிடம் வீழ்ந்தது. இந்த ஆட்டம் ட்ரம்ப் ஆட்டமாக அமைந்ததால் 2 புள்ளிகளை முழுமையாக பெற்ற புனே அணி 4-2 என முன்னிலை பெற்றது.

கடைசியாக நடைபெற்ற ஆடவர் ஒற்றையர் பிரிவு ஆட்டத்தில் புனே அணியின் கசுமாசா சாகாய் 15-10, 15-12 என்ற நேர் செட்டில் சென்னை அணியின் சதீஷ்குமாரை வீழ்த்தினார். 5 ஆட்டங்களின் முடிவில் புனே 7 ஏசஸ் 5-2 என்ற புள்ளிகள் கணக்கில் சென்னை சூப்பர் ஸ்டார்ஸ் அணியை வீழ்த்தியது. இந்தசீசனில் ஹாட்ரிக் வெற்றியை பெற்ற சென்னை சூப்பர் ஸ்டார்ஸ் அணிக்கு இது முதல் தோல்வியாக அமைந்தது.