ஃபிடே உலகக் கோப்பை செஸ்: ஆர்.பிரக்ஞானந்தா தோல்வி

பனாஜி: ஃபிடே உலகக் கோப்பை செஸ் தொடரில் இந்​திய கிராண்ட் மாஸ்​ட​ரான ஆர்​.பிரக்​ஞானந்தா 4-வது சுற்​றில் டைபிரேக்​கரில் தோல்வி அடைந்து தொடரில் இருந்து வெளி​யேறி​னார்.

அதேவேளை​யில் மற்ற இந்​திய கிராண்ட் மாஸ்​டர்​களான அர்​ஜுன் எரி​கைசி, பி.ஹரி​கிருஷ்ணா ஆகியோர் டை பிரேக்​கரில் வெற்றி பெற்று கால் இறு​திக்கு முந்​தைய சுற்​றுக்கு முன்​னேறினர்.

கோவா​வில் நடை​பெற்று வரும் இந்​தத் தொடரில் 4-வது சுற்​றின் இரு ஆட்​டங்​களை​யும் இந்​திய கிராண்ட் மாஸ்​டர்​களான ஆர்​.பிரக்​ஞானந்​தா, அர்​ஜுன் எரி​கைசி, பி.ஹரி​கிருஷ்ணா, வி.பிரணவ், வி.​கார்த்​திக் ஆகியோர் டிரா​வில் முடித்​திருந்​தனர். இதனால் வெற்​றியை தீர்​மானிக்​கும் வகை​யில் நேற்று டைபிரேக்​கர் ஆட்​டங்​கள் நடை​பெற்​றன.

இதில் பிரக்​ஞானந்தா 1.5-2.5 என்ற கணக்​கில் ரஷ்​யா​வின் டேனியல் துபோ​விடம் தோல்வி அடைந்து தொடரில் இருந்து வெளி​யேறி​னார். கடந்த 2023-ம் wஆண்டு நடை​பெற்ற தொடரில் பிரக்​ஞானந்தா இறு​திப் போட்டி வரை முன்​னேறிய நிலை​யில் தற்​போது 4-வது சுற்​றுடன் வெளி​யேறியது ரசிகர்​களை ஏமாற்​றம் அடையச் செய்​தது.

அர்​ஜுன் எரி​கைசி 3-1 என்ற கணக்​கில் ஹங்​கேரி​யின் பீட்​டர் லெகோவை​யும், பி.ஹரி​கிருஷ்ணா 2.5-1.5 என்ற கணக்​கில் சுவீடனின் நில்ஸ் கிராண்​டேலியஸை​யும் வீழ்த்தி கால் இறு​திக்கு முந்​தைய சுற்​றுக்கு முன்​னேறினர்.

வி.பிரணவ் 0.5-1.5 என்ற கணக்​கில் உஸ்​பெகிஸ்​தானின் நோடிர்​பெக் யாகு​போ​விட​மும், வி.​கார்த்​திக் 0.5-1.5 என்ற கணக்​கில் வியட்​நாமின் லெ குவாங் லீமிட​மும்​ தோல்​வி அடைந்​தனர்​.