ஜப்பான் பாட்மிண்டன் தொடர்: 2-வது சுற்றில் லக்‌ஷயா சென்

குமாமோட்டோ: ஜப்பானின் குமாமோட்டோ நகரில் ஜப்பான் மாஸ்டர்ஸ் பாட்மிண்டன் தொடர் நடைபெற்று வருகிறது.

இதில் ஆடவர் ஒற்றையர் பிரிவு முதல் சுற்றில் 15ம் நிலை வீரரான இந்தியாவின் லக்‌ஷயா சென், 26-வது இடத்தில் உள்ள ஜப்பானின் கோகி வத்தனாபேவுடன் மோதினார். 29 நிமிடங்கள் நடைபெற்ற இந்த ஆட்டத்தில் லக்‌ஷயா சென் 21- 12 21- 16 என்ற செட் கணக்கில் வெற்றி பெற்று 2-வது சுற்றுக்கு முன்னேறினார்.

மற்ற ஆட்டங்களில் இந்தியாவின் கிரண் ஜார்ஜ் 20- 22, 10- 21 என்ற செட் கணக்கில் மலேசியாவின் ஜிங் ஹாங்கிடம் தோல்வி அடைந்தார். ஆயுஷ் ஷெட்டி 16- 21, 11- 21 என்ற செட் கணக்கில் 4ம் நிலை வீரரான ஜப்பானின் கோடை நரோகாவிடம் வீழ்ந்தார்.