முதல் டெஸ்ட் கிரிக்கெட் போட்டி: இந்தியா, தென் ஆப்பிரிக்க வீரர்கள் ஈடன் கார்டனில் இன்று பயிற்சி

கொல்கத்தா: இந்தி​யா - தென் ஆப்​பிரிக்கா அணி​கள் இடையே 2 டெஸ்ட் போட்​டி, 3 ஒரு​நாள் போட்​டி, 5 டி20 ஆட்​டங்​கள் கொண்ட தொடர் நடை​பெற உள்​ளது. இந்​தத் தொடரில் கலந்​து​கொள்​வதற்​காக தென் ஆப்​பிரிக்க வீரர்​கள் நேற்று இந்​தியா வந்து சேர்ந்​தனர். பாகிஸ்​தான் அணிக்கு எதி​ரான ஒரு​நாள் போட்​டித் தொடரை முடித்​துக் கொண்டு தென் ஆப்​பிரிக்க அணி வீரர்​கள் ஞாயிற்​றுக்​கிழமை இரு பிரி​வாக கொல்​கத்தா வந்து சேர்ந்​தனர்.

இங்​குள்ள ஈடன் கார்​டன் மைதானத்​தில்​தான் இந்​தியா - தென் ஆப்​பிரிக்கா அணி​கள் இடையி​லான டெஸ்ட் தொடரின் முதல் போட்டி வரும் 14-ம் தேதி தொடங்​கு​கிறது. தென் ஆப்​பிரிக்கா ‘ஏ’ அணி​யில் இடம் பெற்று இந்​தியா ‘ஏ’ அணிக்கு எதி​ரான 2-வது டெஸ்ட் போட்​டி​யில் விளை​யாடிய தெம்பா பவுமா நேற்று காலை பெங்​களூரு​வில் இருந்து புறப்​பட்டு கொல்​கத்தா வந்து தங்​கி​யுள்ள தென் ஆப்​பிரிக்க அணி​யுடன் இணைந்​தார். அவருடன் ஜுபைர் ஹம்சா உள்​ளிட்ட சில வீரர்​களும், உதவி பயிற்​சி​யாளர்​களும் வந்​திருந்​தனர்.

தென் ஆப்​பிரிக்க அணி​யின் கேப்​ட​னான தெம்பா பவு​மா, பாகிஸ்​தான் அணிக்கு எதி​ரான டெஸ்ட் தொடரில் காயம் காரண​மாக கலந்​து​கொள்​ள​வில்​லை. இந்​திய அணிக்கு எதி​ரான டெஸ்ட் போட்​டிக்கு தயா​ராகும் வித​மாக அவர், இந்​தியா ‘ஏ’ அணிக்கு எதி​ராக நடை​பெற்ற 4 நாட்​கள் கொண்ட டெஸ்ட் போட்​டி​யில் விளை​யாடி இருந்​தார்.

இதன் முதல் இன்​னிங்​ஸில் ரன் ஏதும் எடுக்​காமல் ஆட்​ட​மிழந்​திருந்த தெம்பா பவுமா 2-வது இன்​னிங்​ஸில் 59 ரன்​கள் சேர்த்து வெற்​றிக்கு முக்​கிய பங்​களிப்பை வழங்​கி​யிருந்​தார். இதே போட்​டி​யில் நடு​வரிசை பேட்​ஸ்​மே​னான ஜுபைர் ஹம்​சா, இரு இன்​னிங்​ஸிலும் அரை சதம் அடித்து கவனம் ஈர்த்​திருந்​தார். சுழற்​பந்து வீச்​சுக்கு எதி​ராக வலு​வான செயல் திறனை​யும் அவர், வெளிப்​படுத்​தி​யிருந்​தார்.

இந்​திய அணி​யில் தலைமை பயிற்​சி​யாளர் கவுதம் கம்​பீர், கேப்​டன் ஷுப்​மன் கில், ஜஸ்​பிரீத் பும்​ரா, வாஷிங்​டன் சுந்​தர், அக்​சர் படேல் ஆகியோர் ஆஸ்​திரேலிய சுற்​றுப்​பயணத்தை முடித்​துக்​கொண்டு ஞாயிற்​றுக்​கிழமை கொல்​கத்தா வந்து சேர்ந்​தனர். மற்ற வீரர்​கள் நேற்று அவர்​களு​டன் இணைந்​தனர். இரு அணி​களை சேர்ந்த வீரர்​களும் இன்று ஈடன் கார்​டன் மைதானத்​தில்​ பயிற்​சி​யை தொடங்​குகின்​றனர்​.