ஆஷஸ் தொடருக்கான அணி அறிவிப்பு: ஆஸி. அணியில் லபுஷேன்

கோல்ட் கோஸ்ட்: ஆஸ்​திரேலியா - இங்​கிலாந்து அணி​கள் இடையி​லான பாரம்​பரியமிக்க ஆஷஸ் டெஸ்ட் கிரிக்​கெட் தொடர் வரும் 21-ம்
தேதி பெர்த் நகரில் தொடங்​கு​கிறது. இந்​நிலை​யில் இந்​தத் தொடரின் முதல் போட்​டிக்​கான 15 பேர் கொண்ட ஆஸ்​திரேலிய அணியை அந்​நாட்டு கிரிக்​கெட் வாரி​யம் அறி​வித்​துள்​ளது. இதில் முன்​னணி பேட்​ஸ்​மே​னான மார்​னஷ் லபுஷேன் மீண்​டும் அணிக்கு திரும்பி உள்​ளார்.

மோச​மான பார்ம் காரண​மாக கடந்த ஜூலை மாதம் மேற்கு இந்​தி​யத் தீவு​கள் அணிக்கு எதி​ரான டெஸ்ட் தொடரில் மார்னஸ் ஷபுஷேன் நீக்​கப்​பட்​டிருந்​தார். இதைத் தொடர்ந்து அவர், உள்​ளூர் போட்​டி​யில் சிறப்​பாக விளை​யாடி மீண்​டும் தேசிய அணி​யில் இடம் பிடித்​துள்​ளார். 31 வயதான தொடக்க வீர​ரான ஜேக் வெத​ரால்ட் அறி​முக வீர​ராக சேர்க்​கப்​பட்​டுள்​ளார். அதேவேளை​யில் மேட் ரென்​ஷா, சாம் கான்​ஸ்​டாஸ் ஆகியோ​ருக்கு வாய்ப்பு வழங்​கப்​பட​வில்​லை.

ஜேக் வெத​ரால்ட், ஷெப்ஃபீல்ட் ஷீல்டு தொடரில் 50.33 சராசரி​யுடன் 906 ரன்​கள் குவித்​திருந்​தார். மேலும் இலங்கை ‘ஏ’ அணிக்கு எதி​ரான ஆட்​டத்​தில் சதமும் அடித்​திருந்​தார். பாட் கம்​மின்ஸ் காயத்​தில் இருந்து குணமடை​யாத​தால் ஸ்டீவ் ஸ்மித் கேப்​ட​னாக நியமிக்​கப்​பட்​டுள்​ளார். மிட்​செல் ஸ்டார்க், ஜோஷ் ஹேசில்​வுட், ஸ்காட் போலண்ட், சீன் அபோட், பிரெண்​டன் டாகெட் ஆகிய 5 வேகப்​பந்து வீச்​சாளர்​கள் சேர்க்​கப்​பட்​டுள்​ளனர். இதில் பிரெண்​டன் டாகெட் அறி​முக வீரர் ஆவார். ஆல்​ர​வுண்​டர்​களாக பியூ வெப்​ஸ்​டர், கேமரூன் கிரீன் சேர்க்​கப்​பட்​டுள்​ளனர். இதனால் மிட்​செல் மார்​ஷுக்கு அணி​யில் இடம் வழங்​கப்​பட​வில்​லை.

அணி விவரம்: ஸ்டீவ் ஸ்மித் (கேப்​டன்), உஸ்​மான் கவாஜா, ஜேக் வெத​ரால்ட், டிரா​விஸ் ஹெட், மார்​னஷ் லபுஷேன், ஜோஷ் இங்​லிஷ், அலெக்ஸ் கேரி, கேமரூன் கிரீன், பியூ வெப்​ஸ்​டர், நேதன் லயன், மிட்​செல்​ ஸ்​டார்​க்​, ஜோஷ் ஹேசில்​வுட்​, சீன்​ அபோட்​, ஸ்​காட்​ போலண்​ட்​, பிரெண்​டன்​ ​டாகெட்​.