ஆசிய இளையோர் விளையாட்டு போட்டியில் தங்கம் வென்ற கபடி வீரர் அபினேஷுக்கு உற்சாக வரவேற்பு

திருவாரூர்: ஆசிய இளை​யோர் விளை​யாட்​டுப் போட்​டி​யில் தங்​கம் வென்ற இந்​திய கபடி அணி வீரர் அபினேஷுக்கு வடு​வூரில் நேற்று உற்​சாக வரவேற்பு அளிக்​கப்​பட்​டது.

பஹ்ரைன் நாட்​டில் நடை​பெற்ற ஆசிய இளை​யோர் கபடிப் போட்​டி​யில் இந்​திய ஆடவர் மற்​றும் மகளிர் அணி​கள் தங்​கம் வென்​றன. இந்​திய ஆடவர் அணி​யில், திரு​வாரூர் மாவட்​டம் வடு​வூர் கிராமத்​தைச் சேர்ந்த அபினேஷ்(17) இடம் பெற்​றிருந்​தார். இந்​நிலை​யில், சொந்த ஊரான வடு​வூருக்கு நேற்று வந்த அபினேஷுக்கு நேற்று உற்​சாக வரவேற்பு அளிக்​கப்​பட்​டது. திறந்த வேனில் அபினேஷை ஏற்றி வந்​து, வழிநெடு​கிலும் பொது​மக்​கள் சால்​வை, மாலைகள் அணி​வித்து தங்​களது மகிழ்ச்​சியை வெளிப்​படுத்​தினர்.

வரவேற்பு நிகழ்​வில் அமைச்​சர் டிஆர்​பி.​ராஜா பங்​கேற்​று, அபினேஷுக்கு வாழ்த்து தெரி​வித்​தார். தொடர்ந்​து, வடு​வூர் உள் விளை​யாட்டு அரங்​கில் பாராட்டு விழா நடை​பெற்​றது. திரு​வாரூர் மாவட்ட அமெச்​சூர் கபடிக் கழகச் செய​லா​ளர்ராஜ​ராஜேந்​திரன், வடு​வூர் ஸ்போர்ட்ஸ் அகாடமி செய​லா​ளர் சாமி​நாதன் மற்​றும் பொது​மக்​கள் அபினேஷுக்​குப் பாராட்​டுத் தெரி​வித்​தனர். அப்​போது, தனது பயிற்​சி​யாளர்​கள் மற்​றும் ரூ.25 லட்​சம் நிதி​யுதவி வழங்​கிய தமிழக முதல்​வர், துணை முதல்​வருக்கு அபினேஷ் நன்றி தெரி​வித்​தார்.

அபினேஷின் சிறு​வய​திலேயே தந்தை மோகன்​தாஸ் உயி​ரிழந்​து​விட்​டார். தாயார் தனலட்​சுமி மற்​றும் 2 சகோ​தரி​கள் உள்​ளனர். 7-ம் வகுப்பு வரை வடு​வூரில் உள்ள அரசு உதவி​பெறும்பள்​ளி​யில் பயின்ற அபினேஷ், பின்னர் தேனி​யில் உள்ள தமிழ்​நாடு விளை​யாட்டு மேம்​பாட்டு ஆணைய விளை​யாட்​டுப் பள்​ளி​யில் படித்​தார். தற்​போது வேல்​ஸ் பல்​கலை.​யில் இளநிலை முதலா​மாண்டு பட்​டப் படிப்​பு படித்​து வரு​கிறார்​.ஆசிய இளையோர் விளையாட்டுப் போட்டியில் தங்கம் வென்ற கபடி வீரர் அபினேஷுக்கு, சொந்த ஊரான வடுவூரில் நேற்று நடைபெற்ற விழாவில் சால்வை அணிவித்து பாராட்டிய அமைச்சர் டிஆர்பி.ராஜா உள்ளிட்டோர்.