குளிர்கால ஒலிம்பிக் ஜோதியை ஏந்திச் செல்கிறார் அபிநவ் பிந்த்ரா

புதுடெல்லி: குளிர்​கால ஒலிம்​பிக் போட்டி அடுத்த ஆண்டு பிப்​ர​வரி 6-ம் தேதி முதல் 22-ம் தேதி வரை இத்​தாலி​யில் உள்ள மிலன், கார்​டினா டி’ஆம்​பெசோ நகரங்​களில் நடை​பெறவுள்​ளது. இந்​தப் போட்​டிக்​கான ஒலிம்​பிக் ஜோதியை இந்​திய வீரர் அபிநவ் பிந்த்ரா ஏந்​திச் செல்​ல​வுள்​ளார் என அதி​காரப்​பூர்​வ​மாக அறிவிக்​கப்​பட்​டுள்​ளது.

இதுகுறித்து அபிநவ் பிந்த்ரா தனது எக்ஸ் பக்​கத்​தில் கூறும்​போது, “மிலன், கார்​டினா நகரங்களில் நடை​பெறும் 2026 குளிர்​கால ஒலிம்​பிக் போட்​டிக்​கான தொடர் ஜோதி ஓட்​டத்​தில் ஜோதியை நான் ஏந்​திச் செல்ல தேர்வு செய்​யப்​பட்​டதற்​காக உண்​மை​யாகவே நன்​றி​யுடன் இருக்​கிறேன். கனவு​கள், விடா​முயற்​சி, விளை​யாட்டு உலகில் ஒற்​றுமை​யின் சின்​ன​மாக இருக்​கும் ஒலிம்​பிக் ஜோதி​யானது எனது மனதில் சிறந்த இடத்தை எப்​போதும் பிடித்​துள்​ளது.

அதை மீண்​டும் ஒரு​முறை சுமந்து செல்​வது கவுர​வத்தை கொண்டு வரு​கிறது. மேலும், விளை​யாட்டு எதையெல்​லாம் சாத்​தி​ய​மாக்​கு​கிறது என்​ப​தற்​கான அழகான நினை​வூட்​டலாக அமைந்​துள்​ளது. இந்த நம்​ப​முடி​யாத கவுர​வத்தை எனக்கு அளித்​ததற்கு ஒலிம்​பிக் போட்டி அமைப்​பாளர்​களுக்கு நன்​றி” என்று கூறி​யுள்​ளார்.

பெய்​ஜிங்​கில் கடந்த 2008-ம் ஆண்டு நடை​பெற்ற ஒலிம்​பிக் போட்​டி​யில் 10 மீட்​டர் ஏர் ரைபிள் பிரி​வில் தங்​கம் வென்​றவர் அபிநவ் பிந்த்ரா என்​பது குறிப்​பிடத்​தக்​கது.