தென் ஆப்பிரிக்கா ‘ஏ’ அணிக்கு எதிரான டெஸ்ட் தொடர்: இந்தியா ‘ஏ’ அணிக்கு ரிஷப் பந்த் கேப்டன்

புதுடெல்லி: கா​யத்​தில் இருந்து குணமடைந்​துள்ள இந்​திய கிரிக்​கெட் அணி​யின் விக்​கெட் கீப்​பர் பேட்​ஸ்​மே​னான ரிஷப் பந்த், தென் ஆப்​பிரிக்கா ‘ஏ’ அணிக்கு எதி​ராக 2 டெஸ்ட் போட்​டிகளில் விளை​யாட உள்ள இந்​தியா ‘ஏ’ அணி​யின் கேப்​ட​னாக நியமிக்​கப்​பட்​டுள்​ளார்.

ரிஷப் பந்த் கடந்த ஜூலை மாதம் மான்​செஸ்​டரில் நடை​பெற்ற இங்​கிலாந்து அணிக்கு எதி​ரான 4-வது டெஸ்ட் போட்​டி​யில் காயம் அடைந்​தார். இதனால் அவர், ஆசிய கோப்பை டி20 கிரிக்​கெட் தொடர், மேற்கு இந்​தி​யத் தீவு​கள் அணிக்கு எதி​ரான டெஸ்ட் தொடரிலும் பங்​கேற்​க​வில்​லை.
இந்​நிலை​யில் காயத்​தில் இருந்து குணமடைந்​துள்ள அவர், தென் ஆப்​பிரிக்கா ‘ஏ’ அணிக்கு எதி​ராக நடை​பெற உள்ள 2 டெஸ்ட் போட்​டிகள் கொண்ட தொடரில் இந்​தியா ‘ஏ’ அணி​யின் கேப்​ட​னாக நியமிக்​கப்​பட்​டுள்​ளார். இந்​தத் தொடரின் முதல் போட்டி வரும் 30-ம் தேதி பெங்​களூரு​வில் உள்ள பிசிசிஐ சிறப்பு மையத்​தில் நடை​பெறுகிறது.

2-வது டெஸ்ட் நவம்​பர் 6-ம் தேதி இதே மைதானத்​தில் தொடங்​கு​கிறது. இந்த இரு போட்​டிகளும் தென் ஆப்​பிரிக்க அணிக்கு எதி​ராக நடை​பெற உள்ள 2 டெஸ்ட் போட்​டிகள் கொண்ட தொடருக்கு தயா​ராவதற்கு ரிஷப் பந்த்​துக்கு உதவிகர​மாக இருக்​கக்​கூடும். இந்​தியா - தென் ஆப்​பிரிக்கா அணி​கள் இடையி​லான டெஸ்ட் தொடர் நவம்​பர் 14-ல் கொல்​கத்​தா​வில் தொடங்​கு​கிறது.

முதல் போட்​டிக்​கான இந்​தியா ‘ஏ’ அணி: ரிஷப் பந்த் (கேப்​டன்), ஆயுஷ் மாத்​ரே, நாராயண் ஜெகதீசன், சாய் சுதர்​சன், ஆயுஷ் பதோனி, தேவ்​தத் படிக்​கல், ரஜத் பட்​டி​தார், ஹர்ஷ் துபே, தனுஷ் கோட்​டியன், மானவ் சுதார், அன்​ஷுல் கம்​போஜ், யாஷ் தாக்​குர், சரன்ஷ் ஜெயின், குர்​னூர் பிரார், கலீல் அகமது.

2-வது போட்​டிக்​கான இந்​தியா ‘ஏ’ அணி: ரிஷப் பந்த் (கேப்​டன்), கே.எல்​.​ராகுல், துருவ் ஜூரெல், சாய் சுதர்​சன், தேவ்​தத் படிக்​கல், ருது​ராஜ் கெய்க்​வாட், ஹர்ஷ் துபே, தனுஷ் கோட்​டியன், மானவ் சுதார், கலீல் அகமது, குர்​னூர் பிரார், அபிமன்​யு ஈஸ்​வரன், பிரசித்​ கிருஷ்ணா, முகமது சிராஜ், ஆ​காஷ் தீப்​.