சென்னை ஓபன் மகளிர் டென்னிஸ்: இந்திய வீராங்கனைகள் மாயா, சஹஜாவுக்கு வைல்டு கார்டு

சென்னை: சென்னை ஓபன் மகளிர் சர்​வ​தேச டென்​னிஸ் சாம்​பியன்​ஷிப் வரும் 27–ம் தேதி முதல் நவம்​பர் 2–ம் தேதி வரை நுங்​கம்​பாக்​கத்​தில் உள்ள எஸ்​டிஏடி டென்​னிஸ் மைதானத்​தில் நடை​பெறுகிறது.

கடந்த சீசனின் வெற்​றி​யாள​ரான செக் குடியரசின் 20 வயதான லிண்டா ஃப்​ருஹ்​விர்​டோ​வாவுக்கு போட்​டித் தரவரிசை​யில் முதலிட​மும், இரண்டு குழந்​தைகளின் தாயான ஜெர்​மனி​யின் தாட்​ஜானா மரி​யா​வுக்கு 2-வது இடமும் வழங்​கப்​பட்​டுள்​ளது.

மேலும், 2024-ம் ஆண்டு விம்​பிள்​டன் அரை​யிறு​திப் போட்​டிக்கு முன்​னேறிய​வரும், ஒலிம்​பிக்​கில் வெள்​ளிப் பதக்​கம் வென்​றவரும், உலகத் தரவரிசை​யில் 69–வது இடத்​தில் உள்​ளவரு​மான குரோஷி​யா​வின் டோனா வெக்​கிச், இந்த ஆண்டு விம்​பிள்​டன் காலிறு​தியை எட்​டிய நியூஸிலாந்​தின் லுலு சன் ஆகியோ​ரும் பங்​கேற்க உள்​ளனர்.

இவர்​களு​டன் இளம் நட்​சத்​திரங்​களான 19 வயதான நிகோலா பார்​டுன்​கோவா (செக் குடியரசு), 21 வயதான மரியா டிமோஃபீவா (ரஷ்​யா), பார்​போரா பாலிகோவா (செக் குடியரசு) ஆகியோ​ரும் கலந்​து​கொள்​கின்​றனர்.

இரட்​டையர் பிரி​வில், இந்​திய ரசிகர்​களின் கவனத்தை ஈர்க்​கும் வகை​யில், பிர​தான சுற்​றில் 5 இந்​திய வீராங்​க​னை​கள் உள்​ளனர். வள்ளி பாமிடிப​தி​யுடன் அங்​கிதா ரெய்​னா​வும், ரியா பாட்​டி​யா​வுடன் ருதுஜா போசலே​வும் விளை​யாடு​கிறார்​கள். ஐந்​தாவ​தாக பிரார்த்​தனா தாம்​பரே உள்​ளார், அவர் நெதர்​லாந்​தின் அரியேன் ஹார்​டோனோவுடன் ஜோடி சேர்ந்​துள்​ளார். இந்த ஜோடிக்கு போட்​டித் தரவரிசை​யில் 4-வது இடம் வழங்​கப்​பட்​டுள்​ளது.

இந்த தொடரில் ஒற்​றையர் பிரி​வில் சாம்​பியன் பட்​டம் வெல்​லும் வீராங்​க​னைக்கு ரூ.31.58 லட்​ச​மும், இரட்​டையர் பிரி​வில் பட்​டம் வெல்​லும் ஜோடிக்கு ரூ.11.48 லட்​ச​மும் பரிசுத் தொகை வழங்​கப்பட உள்​ளது. ஒற்​றையர் பிரி​வில் 4 பேருக்கு வைல்டு கார்டு வழங்​கப்​பட்​டுள்​ளது. இந்த வகை​யில் இந்​தி​யா​வின் மாயா ராஜேஷ்வரன் ரேவ​தி, சஹஜா யாமலபள்ளி, சுலோவேக்​கி​யா​வின் மியா போகன்​கோ​வா, பிரான்​ஸின் லூயிஸ் போய்​சன் ஆகியோர் வைல்டு கார்​டின் வழி​யாக பங்​கேற்​கின்​றனர்.

இதில் 16 வயதான மாயா ராஜேஷ்வரன் தமிழகத்​தின் கோவையை சேர்ந்​தவர் ஆவார். மியா போகன்​கோ​வா இந்​த ஆண்​டு விம்​பிள்​டன்​ ஜூனியரில்​ சாம்​பியன்​ பட்​டம்​ வென்​றிருந்தார்.