ஆஸ்திரேலிய தொடரில் ரன்கள் குவிக்காவிட்டால் கோலி, ரோஹித் நிலைமை என்னவாகும்? - அஜித் அகர்கர் விளக்கம்

புதுடெல்லி: ஆஸ்​திரேலி​யா​வுக்கு எதி​ரான ஒரு​நாள் கிரிக்​கெட் போட்டி தொடரில் இந்​திய அணி​யின் சீனியர் பேட்​ஸ்​மேன்​களாக ரோஹித் சர்​மா, விராட் கோலி களமிறங்க உள்​ளனர். 7 மாதங்​களுக்​குப் பிறகு இவர்​கள் இரு​வரும் சர்​வ​தேச கிரிக்​கெட்​டில் விளை​யாட உள்​ளனர்.

டெஸ்ட், டி20 வடிவங்​களில் இருந்து இரு​வரும் ஏற்​கெனவே ஓய்வு பெற்று விட்​ட​தால் 2027-ம் ஆண்டு தென் ஆப்​பிரிக்​கா​வில் நடை​பெற உள்ள 50 ஓவர் உலகக் கோப்​பை​யில் இந்​திய அணி​யில் இடம் பெறு​வதற்கு இப்​போது இருந்தே சிறந்த திறனை வெளிப்​படுத்தி ரன்​கள் குவிக்க வேண்​டும், இல்​லை​யென்​றால் அணி​யில் இடம் பெறு​வது கடினம் என ஊகங்​கள் வெளிவந்த வண்​ணம் உள்​ளன.

இந்​நிலை​யில் டெல்​லி​யில் நடை​பெற்ற தனி​யார் சானல் நிகழ்ச்சி ஒன்​றில் கலந்து கொண்டு இந்​திய கிரிக்​கெட் அணி தேர்​வுக்​குழு தலை​வ​ரான அஜித் அகர்​கர் கூறிய​தாவது:

ஒவ்​வொரு ஆட்​டத்​தி​லும் ரோஹித் சர்மா மற்​றும் விராட் கோலியை சோதனைக்கு உட்​படுத்​து​வது முட்​டாள்​தன​மான​தாக இருக்​கும். அவர்​கள் விளை​யாடத் தொடங்​கியதும் அவர்​கள் மதிப்​பீடு செய்​யப்​படு​வார்​கள், ஆனால் அவர்​கள் சோதனைக்கு உட்​படுத்​தப்​பட​மாட்​டார்​கள். ஆஸ்​திரேலி​யா​வுக்கு எதி​ரான ஒரு​நாள் தொடரில் ரன்​கள் குவிக்​கா​விட்​டால், அவர்​கள் உலகக் கோப்​பைக்​கான இந்​திய அணியி​லிருந்து நீக்​கப்​படு​வார்​கள் என்​றும், 3 போட்​டிகளி​லும் சதங்​கள் விளாசி​னால் அவர்​கள் உலகக் கோப்​பைக்​கான இந்​திய அணி​யில் இடம்​பெறு​வார்​கள் என்​றும் அர்த்​த​மா​காது. 2027 உலகக் கோப்​பைத் தொடருக்​கான அணி​யைத் தேர்வு செய்ய இன்​னும் நாள்​கள் இருக்​கின்​றன.

முகமது ஷமி இங்கே இருந்​திருந்​தால், நான் அவருக்கு பதில் அளித்​திருப்​பேன். உடற்​தகு​தி​யுடன் இருந்​தால், அவரை போன்ற ஒரு பந்து வீச்​சாளரை ஏன்? தேர்வு செய்​யாமல் இருக்​கப் போகிறோம். நான் அவருடன் பலமுறை பேசி​யிருக்​கிறேன். கடந்த ஆறு முதல் எட்டு மாதங்​களாக, அவர் உடற்​தகு​தி​யுடன் இல்லை என்​பது எங்​களுக்​குத் தெரிய​வந்​தது. இங்​கிலாந்து சுற்​றுப்​பயணத்​துக்கு தேர்வு செய்​யப்​படு​வதற்கு அவர் உடற்​தகு​தி​யுடன் இல்​லை. இவ்​வாறு அஜித்​ அகர்​கர்​ கூறி​னார்​.