ஒருநாள், டி20 கிரிக்கெட் தொடர்: ஆஸ்திரேலியாவுக்கு புறப்பட்டது இந்திய அணி

மும்பை: ஒரு​நாள் கிரிக்​கெட் போட்​டி, சர்​வ​தேச டி20 கிரிக்​கெட் தொடரில் பங்​கேற்​ப​தற்​காக இந்​திய அணி​யினர் நேற்று ஆஸ்​திரலி​யா​வுக்கு புறப்​பட்​டுச் சென்​றனர்.

ஆஸ்​திரேலி​யா​வில் சுற்​றுப்​பயணம் மேற்​கொள்​ளும் இந்​திய அணி 3 ஒரு​நாள் போட்​டிகளி​லும், 5 சர்​வ​தேச டி20 போட்​டிகளி​லும் பங்​கேற்​கிறது. முதலில் ஒரு​நாள் போட்​டிகளும், அதனை தொடர்ந்து டி20 போட்​டிகளும் நடை​பெற உள்​ளன.

வரும் 19-ம் தேதி ஒரு​நாள் போட்​டித் தொடர் தொடங்​க​வுள்​ளது. இந்​நிலை​யில் இந்த தொடரில் பங்​கேற்​ப​தற்​காக இந்​திய வீரர்​கள் நேற்று டெல்லி விமான நிலை​யத்​தில் இருந்து ஆஸ்​திரேலி​யா​வுக்கு புறப்​பட்​டனர்.விமான நிலை​யத்​துக்​குள் ரோஹித் சர்​மா, விராட் கோலி ஆகியோர் நுழை​யும்போது அங்கு கூடி​யிருந்த ரசிகர்​கள் உற்​சாகக் குரல் எழுப்பி வரவேற்​றனர். இது தொடர்​பான வீடியோ சமூக வலை​தளங்​களில் வெளி​யாகி வைரலாகி வருகிறது.