இந்திய அணி 518 ரன்கள் குவித்து டிக்ளேர்: மேற்கு இந்தியத் தீவுகள் 4 விக்கெட்களை இழந்து தடுமாற்றம்

புதுடெல்லி: மேற்கு இந்​தி​யத் தீவு​கள் அணிக்கு எதி​ரான கடைசி மற்​றும் 2-வது டெஸ்ட் கிரிக்​கெட் போட்​டி​யில் இந்​திய அணி முதல் இன்​னிங்​ஸில் 5 விக்​கெட்​கள் இழப்​புக்கு 518 ரன்​கள் குவித்து முதல் இன்​னிங்ஸை டிக்​ளேர் செய்​தது. கேப்​டன் ஷுப்​மன் கில் சதம் விளாசி​னார்.

டெல்​லி​யில் உள்ள அருண் ஜேட்லி மைதானத்​தில் நடை​பெற்று வரும் இந்த டெஸ்ட் போட்​டி​யில் இந்​திய அணி முதல் நாள் ஆட்​டத்​தின் முடி​வில் 90 ஓவர்​களில் 2 விக்​கெட்​கள் இழப்​புக்கு 318 ரன்​கள் குவித்​தது. யஷஸ்வி ஜெய்​ஸ்​வால் 173, ஷுப்​மன் கில் 20 ரன்​களு​டன் களத்​தில் இருந்​தனர்.

நேற்று 2-வது நாள் ஆட்​டத்தை இந்​திய அணி தொடர்ந்து விளை​யாடியது. 2-வது ஓவரிலேயே ஜெய்​ஸ்​வால் ரன் அவுட் ஆனார். ஜெய்​டன் சீல்ஸ் வீசிய பந்தை ஜெய்​ஸ்​வால் மிட் ஆஃப் திசை​யில் தட்​டி​விட்டு விரை​வாக ரன்​ எடுக்க ஓடி​னார். ஆனால் பந்து டேக்​நரைன் சந்​தர்​பால் கைகளுக்கு சென்ற நிலை​யில் ஷுப்​மன் கில் ரன் ஓட வேண்​டாம் என கைகாட்​டி​னார். ஆனால் அதற்​குள் ஜெய்​ஸ்​வால் ஆடு​களத்​தின் பாதி பகு​தியை கடந்​து​விட்​டார்.

இதன் பின்​னர் ஜெய்​ஸ்​வால் திரும்பி கிரீஸை நோக்கி ஓடி​னார். ஆனால் அதற்குள் டேக்​நரைன் சந்​தர்​பால் பந்தை த்ரோ செய்ய அதை பிடித்து விக்​கெட் கீப்​பர் டெவின் இம்​லாக் ஸ்டெம்பை தகர்க்க ஜெய்​ஸ்​வால் வேதனை​யுடன் பெவிலியன் திரும்​பி​னார். 258 பந்​துகளை சந்​தித்த ஜெய்​ஸ்​வால் 22 பவுண்​டரி​களு​டன் 175 ரன்​கள் எடுத்​தார். 3-வது விக்​கெட்​டுக்கு ஷுப்​மன் கில்​லுடன் இணைந்து 74 ரன்​கள் சேர்த்​தார்.

இதையடுத்து களமிறங்​கிய நித்​திஷ் குமார் ரெட்டி மட்​டையை சுழற்​றி​னார். அதிரடி​யாக விளை​யாடிய அவர், 54 பந்​துகளில், 2 சிக்​ஸர்​கள், 4 பவுண்​டரி​களு​டன் 43 ரன்​கள் எடுத்த நிலை​யில் ஜோமல் வாரிக்​கன் பந்தை சிக்​ஸருக்கு விளாச முயன்ற போது எல்​லைக்​கோட்​டுக்கு அருகே ஜெய்​டன் சீல்​ஸிடம் கேட்ச் ஆனது. இதன் பின்​னர் களமிறங்​கிய விக்​கெட் கீப்​பர் பேட்​ஸ்​மே​னான துருவ் ஜூரெலும் அதிரடி​யாக விளை​யாடி​னார்.

மறு​புறம் நிலை​யான ஆட்​டத்தை வெளிப்​படுத்​திய ஷுப்​மன் கில் 177 பந்​துகளில், ஒரு சிக்​ஸர், 13 பவுண்​டரி​களு​டன் தனது 10-வது சதத்தை விளாசி​னார். மட்​டையை சுழற்​றிய துருவ் ஜூரெல் 79 பந்​துகளில், 5 பவுண்​டரி​களு​டன் 44 ரன்​கள் எடுத்த நிலை​யில் ராஸ்​டன் சேஸ் பந்​தில் போல்​டா​னார். அப்​போது இந்​திய அணி 134.2 ஓவர்​களில் 5 விக்​கெட்​கள் இழப்​புக்கு 518 ரன்​கள் குவித்​திருந்​தது. அத்​துடன் முதல் இன்​னிங்ஸை டிக்​ளேர் செய்​வ​தாக இந்​திய அணி​யின் கேப்​டன் ஷுப்​மன் கில் அறி​வித்​தார்.

ஷுப்​மன் கில் 196 பந்​துகளில், 2 சிக்​ஸர்​கள், 16 பவுண்​டரி​களு​டன் 129 ரன்​கள் விளாசி ஆட்​ட​மிழக்​காமல் இருந்​தார். மேற்கு இந்​தி​யத் தீவு​கள் அணி​கள் தரப்​பில் ஜோமல் வாரிக்​கன் 3 விக்​கெட்​களை​யும், ராஸ்​டன் சேஸ் ஒரு விக்​கெட்​டை​யும் கைப்​பற்​றினர். இதையடுத்து பேட்​டிங் செய்த மேற்கு இந்​தி​யத் தீவு​கள் அணி 2-வது நாள் ஆட்​டத்​தின் முடி​வில் 43 ஓவர்​களில் 4 விக்​கெட்​கள் இழப்​புக்கு 140 ரன்​கள் எடுத்​தது. ஜான் கேம்​பல் 10, டேக்​நரைன் சந்​தர்​பால் 34, கேப்​டன் ராஸ்​டன் சேஸ் 0 ரன்​களில் ஜடேஜா பந்​தில் ஆட்​ட​மிழந்​தார்.

சற்று தாக்​குப்​பிடித்து விளை​யாடிய அலிக் அதானஸ் 84 பந்​துகளில், ஒரு சிக்​ஸர், 5 பவுண்​டரி​களு​டன் 41 ரன்​கள் எடுத்த நிலை​யில் குல்​தீப் யாதவ் பந்​தில் குல்​தீப் யாதவ் பந்​தில் மிட்விக்​கெட் திசை​யில் நின்ற ஜடேஜா​விடம் பிடி​கொடுத்து வெளி​யேறி​னார். ஷாய் ஹோப் 31 ரன்​களும், டெவின் இம்​லாக் 14 ரன்​களும் சேர்த்து களத்​தில் இருந்​தனர். இன்​று 3-வது நாள்​ ஆட்​டம் நடைபெறுகிறது.