டிசம்பர் 15-ல் ஐபிஎல் ஏலம்? 

புதுடெல்லி: ஐபிஎல் 2026-ம் ஆண்​டுக்​கான வீரர்​கள் ஏலம் வரும் டிசம்​பர் 13 முதல் 15-ம் தேதிக்​குள் நடை​பெறக்​கூடும் என தகவல்​கள் வெளி​யாகி உள்​ளன. வீரர்​கள் ஏலம் தொடர்​பாக அணி​களின் உரிமை​யாளர்​கள் பிசிசிஐ நிர்​வாகி​களிடம் பேசி உள்​ள​தாக கூறப்​படு​கிறது. ஆனால் ஐபிஎல் ஆட்​சிமன்​றக்​குழு இதுதொடர்​பாக இது​வரை எந்​த​வித அறி​விப்​பை​யும் வெளி​யிட​வில்​லை.

மேலும் இம்​முறை ஏலம் வெளி​நாட்​டில் நடை​பெறு​மா? என்​பதும் தெரிய​வில்​லை. கடந்த இரு ஆண்​டு​களாக ஐபிஎல் வீரர்​கள் ஏலம் வெளி​நாடு​களில்​தான் நடத்​தப்​பட்டு வரு​கிறது. எனினும் இம்​முறை மினி வீரர்​கள் ஏலத்தை இந்​தி​யா​வில் நடத்த பிசிசிஐ முடிவு செய்​தா​லும் ஆச்​சரி​யப்​படு​வதற்கு ஒன்​றும் இல்லை எனவும் கூறப்​படு​கிறது.

இருப்​பினும் வீரர்​களை தக்​க​வைத்​துக் கொள்​ள​வும், விடு​விப்​ப​தற்​கான கடைசி தேதி நவம்​பர் 15 ஆக இருக்​கக்​கூடும். அதற்​குள் விடுவிக்க முடிவு செய்​துள்ள வீரர்​களின் பட்​டியலை அணி​களின் உரிமை​யாளர்​கள் சமர்ப்​பிக்க வேண்​டும். கடந்த சீசனில் கடைசி இரு இடங்​களை இடத்​தைப் பிடித்த சென்னை சூப்​பர் கிங்​ஸ், ராஜஸ்​தான் ராயல்ஸ் அணி​களைத் தவிர மற்ற அணி​கள் பெரிய அளவி​லான மாற்​றங்​களை மேற்​கொள்ள வாய்ப்​பில்லை என்றே கூறப்​படு​கிறது. சிஎஸ்​கே​வில் இருந்து தீபக் ஹூடா, விஜய் சங்​கர், ராகுல் திரி​பா​தி, சேம் கரண், டேவன் கான்வே உள்​ளிட்​டோர் விடுவிக்​கப்​படு​வதற்​கான வாய்ப்​பு​கள் உள்​ளன. 5 முறை சாம்​பிய​னான அந்த அணி​யின் கைவசம் ரூ.9.75 கோடி உள்​ளது. ஏனெனில் அஸ்​வின் ஐபிஎல் தொடரில் ஓய்வு பெற்​று​விட்​டார்.

ராஜஸ்​தான் ராயல்ஸ் அணி​யில் சஞ்சு சாம்​சன், வனிந்து ஹசரங்​கா, தீக்‌ஷனா ஆகியோர் வேறு அணிக்கு தாவக்​கூடும். இதே​போன்று டி.நட​ராஜன், மிட்​செல் ஸ்டார்க், ஆகாஷ் தீப், மயங்க் யாதவ், டேவிட் மில்​லர் உள்​ளிடோரும் வேறு அணிக்கு மாற வாய்ப்பு உள்​ளது.