டெஸ்ட் போட்​டிகளில் அரி​தாகவே ‘வைடு​’கள் வழங்கப்படுவது ஏன்?

டெஸ்ட் கிரிக்​கெட் போட்​டிகளில் அரி​தாகவே வைடு​கள் வழங்​கப்​படு​கின்​றன. இது ஏன் என்று தெரி​யு​மா? பொது​வாக ஒரு​நாள் கிரிக்​கெட் மற்​றும் டி 20 போட்​டிகளில் ஆடு​களத்​தின் நடு ஸ்டெம்ப்​பில் இருந்து வலது பக்​க​மும், இடது பக்​கம் ஒரு கோடு வரைந்​திருப்​பார்​கள். இது​தான் வைடு லைன். இதை வைத்​து​தான் வீசப்​படும் பந்து வைடா, இல்​லையா என்​பதை நடு​வர்​கள் முடிவு செய்​வார்​கள். ஆனால் டெஸ்ட்டில் இது​போன்ற லைன்​கள் கிடையாது.

நடு​வர்​கள் அதி​கள​வில் வைடு​கள் வழங்​க​மாட்​டார்​கள். ஒரு​வேளை பேட்​ஸ்​மேன் நிற்​கும் கிரீஸில் இருந்து பந்து அதி​கம் வில​கிச் சென்​றால் மட்​டுமே வைடு வழங்​கு​வார்​கள். எதற்​காக டெஸ்ட் போட்​டி​யில் மட்​டும் இதை செய்​கிறார்​கள் என்​றால் அதற்கு காரணம் உள்​ளது. ஏனெனில் ஒரு​நாள் போட்டி, டி 20 ஆட்​டங்​களில் பந்​துகள் வரையறுக்​கப்​பட்​டுள்​ளன.

வரையறுக்​கப்​பட்ட பந்​துகளே உள்​ள​தால் அதற்​குள் பேட்​ஸ்​மேன்​கள் விரை​வாக ரன்​கள் சேர்க்க முயற்​சிப்​பார்​கள். அப்​படி செய்​தால்​தான் அதிக ரன்​களை இலக்​காக கொடுக்க முடி​யும் அல்​லது இலக்கை விரை​வாக எட்​டிப்​பிடிக்க முடி​யும். ஆனால் டெஸ்ட் போட்​டிகளில் அப்​படி இல்​லை. ஓவர்​கள் அதி​கம் இருக்​கும். எனினும் விக்​கெட்​கள் அதே 10 தான்.

இதனால் ரன்​கள் சேர்ப்​பதை காட்​டிலும் விக்​கெட்டை இழந்​து​விடக்​கூ​டாது என்​ப​தில் பேட்​ஸ்​மேன்​கள் கவனம் செலுத்​து​வார்​கள். அதேவேளை​யில் பந்து வீச்​சாளர்​கள் விக்​கெட்​களை கைப்​பற்​று​வ​தில் கூடு​தல் மெனக்​கெடு​வார்​கள். இதற்​காக பேட்​ஸ்​மேனின் இடது புற​மும், வலதுபுறமும் பந்​துகளை அகலமாக வீசு​வார்​கள். அதற்கு தகுந்​த​வாறு பீல்​டிங் அமைத்து விக்​கெட்​களை கைப்​பற்ற முயற்​சிப்​பார்​கள்.

இப்​படி இருதரப்​பிலும் திறன் மற்​றும் வியூ​கங்​கள் பயன்​படுத்​தப்​படு​வ​தால் டெஸ்ட் போட்​டிகளில் நடு​வர்​கள் அதி​கள​வில் வைடு வழங்​கு​வது கிடையாது. மேலும் டெஸ்ட் போட்​டி​யில் நாளொன்​றுக்கு 90 ஓவர்​கள் வரை வீசப்​படு​வ​தால் பந்து வீச்​சாளர்​கள் களைப்​படைய​வும் வாய்ப்பு உள்​ளது. இதன் காரண​மாக பந்து வீச்​சாளர்​கள் சில நேரங்​களில் அகலமாக வீசுவது உண்​டு. இதை துல்​லிய​மாக கவனத்​தில் கொண்டு வைடுக்கு ரன்​கள் வழங்​கி​னால் அது பேட்​டிங் செய்​யும் அணிக்கு ஒரு​வித சாதகத்தை உரு​வாக்​கி​விடக்​கூடும்.

இதை தவிர்ப்​ப​தற்​காக​வும், பந்து வீச்​சாளர்​கள் தங்​களது திறன் மற்​றும் வியூ​கங்​களை மேலும் பரிசோ​தித்து பார்க்​க​வும், பேட்​ஸ்​மேன்​கள் கூடு​தல் கவனத்​துடன் செயல்​படு​வதற்​காக​வும் மட்​டுமே டெஸ்ட் போட்​டிகளில் வைடு விஷ​யங்​களில் நடு​வர்​கள் பா​ரா​முக​மாக உள்​ளனர். இரு பக்​கம்ும் சமஅளவி​லான போட்டி இருக்க வேண்​டும் என்​ப​தற்​காக இந்​த வியூ​கம்​ கடைபிடிக்​கப்​படுகிறது.