உலக தடகள சாம்பியன்ஷிப்: ஈட்டி எறிதலில் கெஷோர்ன் வால்காட் தங்கப் பதக்கம் வென்றார்

டோக்கியோ: உலக தடகள சாம்​பியன்​ஷிப்​பின் ஈட்டி எறிதலில் டிரினி​டாட் மற்​றும் டோபாகோ வீரர் கெஷோர்ன் வால்​காட் தங்​கப் பதக்​கம் வென்​றார். நடப்பு சாம்​பியன் அந்​தஸ்​துடன் களமிறங்​கிய இந்​தி​யா​வின் நீரஜ் சோப்ரா 8-வது இடம் பிடித்து ஏமாற்​றம் அளித்​தார். அதேவேளை​யில் மற்​றொரு இந்​திய வீர​ரான சச்​சின் யாதவ் 4-வது இடம் பிடித்து கவனம் ஈர்த்​தார்.

உலக தடகள சாம்​பியன்​ஷிப் போட்டி ஜப்​பானின் டோக்​கியோ நகரில் நடை​பெற்று வரு​கிறது. இதில் நேற்று ஆடவருக்​கான ஈட்டி எறிதலில் இறு​திப் போட்டி நடை​பெற்​றது. நடப்பு சாம்​பியனும், ஒலிம்​பிக்​கில் இரு முறை தங்​கம் வென்ற இந்​தி​யா​வின் நீரஜ் சோப்​ரா, ஒலிம்​பிக் சாம்​பிய​னான பாகிஸ்​தானின் அர்​ஷத் நதீம் உள்​ளிட்ட 12 வீரர்​கள் இதில் பங்​கேற்​றனர்.

டிரினி​டாட் மற்​றும் டோபாகோவை சேர்ந்த கெஷோர்ன் வால்​காட் 88.16 மீட்​டர் தூரம் ஈட்​டியை எறிந்து முதலிடம் பிடித்து தங்​கப் பதக்​கம் வென்​றார். கிரன​டா​வின் ஆண்​டர்​சன் பீட்​டர்ஸ் 87.38 மீட்​டர் தூரம் எறிந்து வெள்​ளிப் பதக்​க​மும், அமெரிக்​கா​வின் தாம்ப்​சன் கர்​திஸ் 86.67 மீட்​டர் தூரம் எறிந்து வெண்​கலப் பதக்​க​மும் வென்​றனர்.

இந்​திய நட்​சத்​திர​மான நீரஜ் சோப்ரா 84.03 மீட்​டர் தூரம் எறிந்து 8-வது இடத்தை பிடித்​தார். 27 வயதான அவர், தனது 2-வது முயற்​சி​யில் இந்த தூரத்தை எட்​டி​யிருந்​தார். 3-வது வாய்ப்​பிலும் 5-வது வாய்ப்​பிலும் ஃபவுல் செய்​தார். விதி​முறை​களின்​படி 5 வாய்ப்​பு​கள் முடிந்த பிறகு முதல் 6 இடங்​களுக்​குள் இருக்​கும் வீரர்​கள் மட்​டுமே கடைசி வாய்ப்​பில் பங்​கேற்க முடி​யும். இதனால் நீரஜ் சோப்ரா கடைசி வாய்ப்பை பெற முடி​யாமல் போனது.

அந்த வகை​யில் 5-வது வாய்ப்பு முடிவடைந்​ததும் நீரஜ் சோப்ரா வெளி​யேற்​றப்​பட்​டார். அதேவேளை​யில் மற்​றொரு இந்​திய வீர​ரான சச்​சின் யாதவ் தனது முதல் வாய்ப்​பில் 86.27 மீட்​டர் தூரம் எறிந்து அனை​வரது கவனத்​தை​யும் ஈர்த்​தார்.

கடைசி வாய்ப்பு வரை சென்ற அவரால் அதற்கு மேல் ஈட்​டியை செலுத்த முடி​யாமல் போனது. முடி​வில் சச்​சின் யாதவ் 4-வது இடத்​துடன் போட்​டியை நிறைவு செய்​தார்.

ஒலிம்​பிக் சாம்​பிய​னான பாகிஸ்​தானின் அர்​ஷத் நதீம் (82.75) 10-வது இடம் பிடித்​தார். அவர், 4-வது வாய்ப்​புடன் வெளி​யேற்​றப்​பட்​டார். ஜெர்​மனி நட்​சத்​திர​மான ஜூலியன் வெபர்​ 86.11 மீட்​டருடன்​ 5-வது இடம்​ பிடித்​தார்​.