சீனா மாஸ்டர்ஸ் பாட்மிண்டன்: கால் இறுதிக்கு முந்தைய சுற்றுக்கு சாட்விக்-ஷிராக் ஜோடி முன்னேற்றம்

ஷென்சென்: சீனாவின் ஷென்சென் நகரில் சீனா மாஸ்டர்ஸ் பாட்மிண்டன் தொடர் நடைபெற்று வருகிறது. இதில் ஆடவர் ஒற்றையர் பிரிவு முதல் இந்தியாவின் லக் ஷயா சென் 11-21, 10-21 என்ற செட் கணக்கில் பிரான்ஸின் தோமா ஜூனியர் போபோவிடம் தோல்வி அடைந்தார்.

ஆடவர் இரட்டையர் பிரிவு முதல் சுற்றில் இந்தியாவின் சாட்விக் சாய்ராஜ் ராங்கி ரெட்டி, ஷிராக் ஷெட்டி ஜோடி 24-22, 21-13 என்ற நேர் செட் கணக்கில் மலேசியாவின் ஜூனைடி ஆரிஃப், ராய் கிங் யாப் ஜோடியை தோற்கடித்து கால் இறுதிக்கு முந்தைய சுற்றுக்கு முன்னேறியது.

கலப்பு இரட்டையர் பிரிவில் இந்தியாவின் துருவ் கபிலா, தனிஷா கிரஸ்டோ ஜோடி 19-21,13-21 என்ற நேர் செட் கணக்கில் சீனாவின் பெங் யான் ஹீ, ஹூவாங் டாங் பிங் ஜோடியிடம் தோல்வி அடைந்தது.