சாம் கான்ஸ்டாஸ் சதம் விளாசல்: ஆஸ்திரேலியா ‘ஏ’ அணி 337 ரன்கள் குவிப்பு

லக்னோ: இந்​தியா ‘ஏ’ - ஆஸ்​திரேலியா ‘ஏ’ அணி​கள் இடையி​லான அதி​காரப்​பூர்​வ​மற்ற டெஸ்ட் தொடரின் முதல் போட்டி லக்​னோ​வில் நேற்று தொடங்​கியது.

டாஸ் வென்று பேட் செய்த ஆஸ்​திரேலிய அணிக்கு சேம் கான்​ஸ்​டாஸ், கேம்ப்​பெல் கெல்​லவே ஜோடி அபார​மான தொடக்​கம் கொடுத்​தது. இந்த ஜோடி 37 ஓவர்​களில் 198 ரன்​கள் குவித்த பிறகே பிரிந்​தது. கேம்ப்​பெல் கெல்​லவே 97 பந்​துகளில், 2 சிக்​ஸர்​கள், 10 பவுண்​டரி​களு​டன் 88 ரன்​கள் விளாசிய நிலை​யில் குர்​னூர் பிரார் பந்​தில் ஆட்​ட​மிழந்​தார்.

இதையடுத்து களமிறங்​கிய கேப்​டன் நேதன் மெக்​ஸ்​வீனி 1 ரன்​னில் ஹர்ஷ் துபே பந்​தில் வெளி​யேறி​னார். சிறப்​பாக விளை​யாடி சதம் அடித்த சாம் கான்​ஸ்​டாஸ் 144 பந்​துகளில், 3 சிக்​ஸர்​கள், 10 பவுண்​டரி​களுடன் 109 ரன்​கள் விளாசிய நிலை​யில் ஹர்ஷ் துபே பந்​தில் போல்​டா​னார். இதன் பின்​னர் ஆலிவர் பீக் 2 ரன்​னில் நடையை கட்ட அதிரடி​யாக விளை​யாடிய கூப்​பர் கானொலி 84 பந்​துகளில், ஒரு சிக்​ஸர், 12 பவுண்​டரி​களு​டன் 70 ரன்​கள் எடுத்த நிலை​யில் துபே பந்​தில் ஆட்​ட​மிழந்​தார்.

முதல் நாள் ஆட்​டத்​தின் முடி​வில் ஆஸ்​திரேலியா ‘ஏ’ அணி 73 ஓவர்​களில் 5 விக்​கெட்​கள் இழப்​புக்கு 337 ரன்​கள் குவித்​தது. லியாம் ஸ்காட் 47, ஜோஷ் பிலிப் 3 ரன்​களு​டன் களத்​தில் இருந்​தனர். இந்​தியா ‘ஏ’ அணி சார்​பில் ஹர்ஷ் துபே 3 விக்​கெட்​களை வீழ்த்​தி​னார். கலீல் அகமது, குர்​னூர் பிரார் ஆகியோர் தலா ஒரு விக்​கெட்​ கைப்​பற்​றினர்​.