3-வது ஒருநாள் போட்டியில் ஆஸி.க்கு ஆறுதல் வெற்றி: தொடரை 2-1 என்று கைப்பற்றியது தென் ஆப்பிரிக்கா

மெக்கே: தென் ஆப்பிரிக்காவுக்கு எதிரான 3-வது ஒருநாள் கிரிக்கெட் போட்டியில் ஆஸ்திரேலிய அணி 276 ரன்கள் வித்தியாசத்தில் ஆறுதல் வெற்றியைப் பெற்றது. தொடரை 2-1 என்ற கணக்கில் தென் ஆப்பிரிக்க அணி கைப்பற்றியது.

தென் ஆப்பிரிக்க கிரிக்கெட் அணி, ஆஸ்திரேலியாவில் சுற்றுப்பயணம் செய்து ஒருநாள் கிரிக்கெட் தொடரில் விளையாடி வருகிறது. முதல் 2 போட்டிகளிலும் தென் ஆப்பிரிக்க அணி வெற்றி பெற்று 2-0 என்ற கணக்கில் தொடரில் முன்னிலையில் இருந்தது.

இந்​நிலை​யில் இவ்​விரு அணி​களுக்கு இடையி​லான 3-வது மற்​றும் கடைசி ஒரு நாள் கிரிக்​கெட் போட்டி மெக்கே நகரில் நேற்று நடை​பெற்​றது.

முதலில் விளை​யாடிய ஆஸ்​திரேலிய அணி 50 ஓவர்​களில் 2 விக்​கெட் இழப்​புக்கு 431 ரன்​கள் குவித்​தது. டிரா​விஸ் ஹெட் 103 பந்​துகளில் 142 ரன்​களும், கேப்​டன் மிட்​செல் மார்ஷ் 106 பந்​துகளில் 100 ரன்​களும், கேமரூன் கிரீன் 55 பந்​துகளில் 118 ரன்​களும் குவித்​தனர். அலெக்ஸ் கேரி 37 பந்​துகளில் 50 ரன்​கள் எடுத்​தார்.

இதையடுத்து 432 ரன்​களை இலக்​காகக் கொண்டு விளை​யாடிய தென் ஆப்​பிரிக்க அணி 24.5 ஓவர்​களில் 155 ரன்​களுக்​குச் சுருண்​டது.

எய்​டன் மார்​கிரம் 2, ரியான் ரிக்​கெல்​டன் 11, கேப்​டன் தெம்பா பவுமா 19, டோனி டி ஜோர்ஸி 33, டிரிஸ்​டன் ஸ்டப்ஸ் 1, டெவால்ட் பிரே​விஸ் 49, வியான் முல்​டர் 5, கார்​பின் போஷ் 17, செனுரன் முத்​து​சாமி 9 ரன்​கள் எடுத்​தனர். இதையடுத்து 276 ரன்​கள் வித்​தி​யாசத்​தில் அபார வெற்​றியை ஆஸ்​திரேலிய அணி பெற்​றது. இந்​தத் தொடரில் அந்த அணிக்கு இது ஆறு​தல் வெற்​றி​யாக அமைந்​தது.

இதைத் தொடர்ந்து 2-1 என்ற கணக்​கில் ஒரு​நாள் தொடரை தென் ஆப்​பிரிக்க அணி கைப்​பற்​றியது. ஆட்​ட​நாயக​னாக சதமடித்த டிரா​விஸ் ஹெட்​டும், தொடர்​நாயக​னாக கேசவ் மகராஜும் தேர்வு செய்​யப்​பட்​டனர்.