புச்சி பாபு கிரிக்கெட் தொடர்: டிஎன்சிஏ அணிகள் வெற்றி

சென்னை: ஆல் இந்தியா புச்சி பாபு கிரிக்கெட் தொடர் சென்னையில் நடைபெற்று வருகிறது. இதில் ‘ஏ’ பிரிவில் இடம் பெற்றுள்ள டிஎன்சிஏ பிரெசிடெண்ட் லெவன் - இமாச்சல பிரதேசம் அணிகள் இடையிலான ஆட்டம் செங்குன்றத்தில் உள்ள கோஜன் ‘ஏ’ மைதானத்தில் நடைபெற்றது. இதன் முதல் இன்னிங்ஸில் டிஎன்சிஏ பிரெசிடெண்ட் லெவன் 274 ரன்களும், இமாச்சல பிரதேசம் 214 ரன்களும் எடுத்தன.

60 ரன்கள் முன்னிலையுடன் 2-வது இன்னிங்ஸை விளையாடிய டிஎன்சிஏ பிரெசிடெண்ட் லெவன் அணி நேற்றைய கடைசி நாள் ஆட்டத்தில் 45 ஓவர்களில் 5 விக்கெட்கள் இழப்புக்கு 246 ரன்கள் எடுத்தது. விமல் குமார் 105. ராதாகிருஷ்ணன் 59 ரன்கள் சேர்த்தனர். 307 ரன்கள் இலக்குடன் பேட் செய்த இமாச்சல் பிரதேசம் 26.1 ஓவர்களில் 110 ரன்களுக்கு ஆட்டமிழந்தது.

டிஎன்​சிஏ பிரெசிடெண்ட் லெவன் சார்​பில் வித்​யுத் 4, அச்​யுத் 3 விக்​கெட்​களை வீழ்த்​தினர். ஆட்ட நாயக​னாக அச்​யுத் தேர்​வா​னார். 196 ரன்​கள் வித்​தி​யாசத்​தில் வெற்றி பெற்ற டிஎன்​சிஏ பிரெசிடெண்ட் லெவன் அணி முழு​மை​யாக 6 புள்​ளி​களை பெற்​றது.

குரு​நானக் கல்​லூரி மைதானத்​தில் நடை​பெற்ற ஆட்​டத்​தில் சத்​தீஷ்கர் - மகா​ராஷ்டிரா அணி​கள் மோதின. இதன் முதல் இன்​னிங்​ஸில் சத்​தீஷ்கர் 252 ரன்​களும், மகா​ராஷ்டிரா 217 ரன்​களும் எடுத்​தன. 35 ரன்​கள் முன்​னிலை​யுடன் 2-வது இன்​னிங்ஸை விளை​யாடிய சத்​தீஷ்கர் 43.3 ஓவர்​களில் 149 ரன்​களுக்கு ஆட்​ட​மிழந்​தது.

184 ரன்​கள் இலக்​குடன் பேட் செய்த மகா​ராஷ்டிரா அணி 43.5 ஓவர்​களில் 149 ரன்​களுக்கு ஆட்​ட​மிழந்​தது. 35 ரன்​கள் வித்​தி​யாசத்​தில் வெற்றி பெற்ற சத்​தீஷ்கர் அணிக்கு 6 புள்​ளி​கள் வழங்​கப்​பட்​டன. பச்​சையப்பன் கல்​லூரி​யில் நடை​பெற்ற ஆட்​டத்​தில் இந்​தி​யன் ரயில்வே அணியை 9 விக்​கெட்​கள் வித்​தி​யாசத்​தில் தோற்​கடித்​தது ஜம்மு & காஷ்மீர் அணி.

பிசிடி-ஐபி மைதானத்​தில் நடை​பெற்ற ஆட்​டத்​தில் ஒடிசா அணியை 113 ரன்​கள் வித்​தி​யாசத்​தில் வீழ்த்​தி​யது பரோடா அணி. கோஜன் ‘பி’ மைதானத்​தில் நடை​பெற்ற ஆட்​டத்​தில் டிஎன்​சிஏ லெவன் அணி 2 விக்​கெட்​கள் வித்​தி​யாசத்​தில் மும்பை அணியை தோற்​கடித்​தது. 266 ரன்​கள் இலக்​குடன் பேட் செய்த டிஎன்சி லெவன் அணி 44.1 ஓவர்​களில் 8 விக்​கெட்​கள் இழப்​புக்கு 268 ரன்​கள் எடுத்து வெற்றி பெற்​றது. சச்​சின் 115, ஆதிஷ் 57 ரன்​கள்​ ​விளாசினர்​.