முதல் ஒருநாள் போட்டியில் ஆஸி. - தென் ஆப்பிரிக்கா இன்று மோதல்!

கெய்ன்ஸ்: தென் ஆப்பிரிக்கா கிரிக்கெட் அணி ஆஸ்திரேலியாவில் சுற்றுப்பயணம் செய்து விளையாடி வருகிறது. இரு அணிகள் இடையிலான 3 ஆட்டங்கள் கொண்ட டி20 கிரிக்கெட் தொடரை ஆஸ்திரேலிய அணி 2-1 என்ற கணக்கில் கைப்பற்றி கோப்பையை வென்றது. இந்நிலையில், இரு அணிகளும் 3 ஆட்டங்கள் கொண்ட ஒருநாள் கிரிக்கெட் போட்டி தொடரில் மோத உள்ளன.

இதன் முதல் ஆட்டம் கெய்ன்ஸ் நகரில் உள்ள கசாலிஸ் மைதானத்தில் இன்று நடைபெறுகிறது. இந்திய நேரப்படி காலை 10 மணிக்கு போட்டி தொடங்குகிறது. 2023-ம் ஆண்டு நடைபெற்ற உலகக் கோப்பை தொடருக்கு பின்னர் இரு அணிகளும் ஒருநாள் போட்டியில் மோதுகின்றன.

ஆஸ்​திரேலிய அணி மிட்​செல் மார்ஷ் தலை​மை​யில் களமிறங்​கு​கிறது. மிட்​செல் ஸ்டார்க், பாட் கம்​மின்​ஸுக்கு ஓய்வு கொடுக்​கப்​பட்​டுள்​ளது. ஸ்டீவ் ஸ்மித், மேக்​ஸ்​வெல் ஆகியோர் ஒரு​நாள் போட்​டிகளில் இருந்து ஓய்வு பெற்​று​விட்டனர். இவர்​களு​டைய இடத்தை நிரப்ப வேண்​டிய கட்​டத்​தில் ஆஸ்​திரேலிய அணி உள்​ளது.

பேட்​டிங்​கில் டாப் ஆர்​டரில் டிரா​விஸ் ஹெட், கேமரூன் கிரீன் பலம் சேர்க்​கக்​கூடும். டெஸ்ட் அணி​யில் தனது இடத்தை இழந்​துள்ள மார்​னஷ் லபுஷேன், கணிச​மான ரன்​களை சேர்த்து கவனம் ஈர்க்க முயற்சி செய்​யக்​கூடும். ஜோஷ் இங்​லிஷ், அலெக்ஸ் கேரி ஆகியோ​ரும் பேட்​டிங்​கில் நம்பிக்கை அளிக்​ககூடிய​வர்​களாக திகழ்​கின்​றனர். வேகப்​பந்து வீச்​சில் ஜோஷ் ஹேசில்​வுட்​டுடன், சேவியர் பார்ட்​லெட், நேதன் எலிஸ் அல்​லது ஆல்​ர​வுண்​டர் ஆரோன் ஹார்டி இடம் பெறக்​கூடும். சுழலில் ஆடம் ஸாம்பா இடம் பெறு​வார்.

தென் ஆப்​பிரிக்க அணி தெம்பா பவுமா தலை​மை​யில் களமிறங்​கு​கிறது. டி 20 தொடரில் சதம் விளாசி கவனம் ஈர்த்த இளம் அதிரடி பேட்​ஸ்​மே​னான டெவால்ட் பிரே​விஸ் அறி​முக வீர​ராக களமிறங்​கக்​கூடும். பேட்​டிங்​கில் எய்​டன் மார்க்​ரம், ரியான் ரிக்​கெல்​டன், மேத்யூ ப்ரீட்​ஸ்​கே, டிரிஸ்​டன் ஸ்டப்​ஸ், வியான் முல்​டர் ஆகியோர் பலம் சேர்க்​கக்​கூடும். வேகப்பந்து வீச்​சில் காகிசோ ரபா​டா, லுங்கி நிகிடி, நந்த்ரே பர்​கர் ஆகியோ​ரும் சுழலில் கேசவ் மகா​ராஜும் ஆஸ்​திரேலிய பேட்​டிங் வரிசைக்கு அழுத்​தம் கொடுக்​க முயற்​சிக்கக்கூடும்.