புச்சிபாபு கிரிக்கெட்டில் சர்பராஸ் கான் சதம் விளாசல்: மும்பை அணி 367 ரன்கள் குவிப்பு

சென்னை: 16 அணிகள் கலந்துகொண்டுள்ள ஆல் இந்தியா புச்சிபாபு கிரிக்கெட் தொடர் சென்னையில் நேற்று தொடங்கியது. செங்குன்றத்தில் உள்ள கோஜன் ‘ஏ’ மைதானத்தில் நடைபெற்ற ஆட்டத்தில் ‘ஏ’ பிரிவில் உள்ள டிஎன்சிஏ பிரெசிடெண்ட் லெவன் இமாச்சல் பிரதேச அணிகள் மோதின. முதலில் பேட் செய்த டிஎன்சிஏ பிரெசிடெண்ட் லெவன் அணி 65.3 ஓவர்களில் 9 விக்கெட்கள் இழப்புக்கு 256 ரன்கள் எடுத்திருந்த போது மழை காரணமாக முதல் நாள் ஆட்டம் முடித்து கொள்ளப்பட்டது.

அதிகபட்சமாக கேப்டன் பிரதோஷ் ரஞ்ஜன் பால் 125 பந்துகளில், 8 பவுண்டரிகளுடன் 73 ரன்கள் சேர்த்து ஆட்டமிழந்தார். ராதாகிருஷ்ணன் 11, விமல் குமார் 8, ஆந்த்ரே சித்தார்த் 24, பாபா இந்திரஜித் 22, விஜய் சங்கர் 9, வித்யுத் 0, ஹேமச்சந்திரன் 0, திரிலோக்நாக் 2 ரன்களில் நடையை கட்டினர். விக்கெட் கீப்பர் பேட்ஸ்மேனான அஜிதேஷ் 89 பந்துகளில், 8 பவுண்டரிகள், 3 சிக்ஸர்களுடன் 71 ரன்களும், அச்யுத் 4 ரன்களும் சேர்த்து ஆட்டமிழக்காமல் இருந்தனர். இமாச்சல் பிரதேச அணி தரப்பில் வேகப்பந்து வீச்சாளர்களான அபிஷேக் 4 விக்கெட்களையும், திவேஷ் சர்மா 3 விக்கெட்களையும் வீழ்த்தினர்.

கோஜன் ‘பி’ மைதானத்​தில் நடை​பெற்ற ஆட்​டத்​தில் ‘சி’ பிரி​வில் உள்ள டிஎன்​சிஏ லெவன் - மும்பை அணி​கள் மோதின. முதலில் பேட் செய்த மும்பை அணி 85 ஓவர்​களில் 5 விக்​கெட்​கள் இழப்​புக்கு 367 ரன்​கள் குவித்த நிலை​யில் மழை காரண​மாக முதல் நாள் முடித்​துக் கொள்​ளப்​பட்​டது. தொடக்க வீரர்​களான முஷிர் கான் 30, கேப்​டன் ஆயுஷ் மாத்ரே 13 ரன்​களி​லும், ஹர்ஷ் அகவ் 2 ரன்​ளி​லும் ஆட்​ட​மிழந்​தனர். 4-வது விக்​கெட்​டுக்கு சுவேத் பார்க்​கருடன் இணைந்த சர்​ப​ராஸ் கான் அதிரடி​யாக விளை​யாடி​னார்.

சுவேத் பார்க்​கர் 121 பந்​துகளில், 5 பவுண்​டரி​கள், ஒரு சிக்​ஸருடன் 72 ரன்​கள் எடுத்த நிலை​யில் சோனு யாதவ் பந்​தில் ஆட்​ட​மிழந்​தார். மட்​டையை சுழற்​றிய சர்​ப​ராஷ் கான் 114 பந்​துகளில், 6 சிக்​ஸர்​கள், 10 பவுண்​டரி​களு​டன் 138 ரன்​கள் விளாசிய நிலை​யில் ‘ரிட்​டயர்டு ஹர்ட்’ முறை​யில் வெளி​யேறி​னார். இதையடுத்து களமிறங்​கிய ஆகாஷ் ஆனந்த் 14 ரன்​களில் ஆட்​ட​மிழந்​தார். ஆகாஷ் பார்​கர் 67, ஹிமான்ஷு சிங் 20 ரன்​களு​டன் களத்​தில் இருந்​தனர். டிஎன்​சிஏ லெவன் அணி தரப்​பில் சித்​தார்த் 2 விக்​கெட்​களை​ கைப்பற்றினார்.