சென்னை கிராண்ட் மாஸ்டர்ஸ் செஸ் போட்டி: சாம்பியன் பட்டத்தை நெருங்குகிறார் வின்சென்ட் கீமர்

சென்னை: சென்னை கிராண்ட் மாஸ்டர்ஸ் செஸ் போட்டி சென்னையில் உள்ள நட்சத்திர ஓட்டலில் நடைபெற்று வருகிறது. போட்டியின் 7-வது நாளான நேற்று 7-வது சுற்று ஆட்டங்கள் நடைபெற்றன. இதில் இந்திய கிராண்ட் மாஸ்டரான விதித் குஜராத்தியை சகநாட்டைச் சேர்ந்த கிராண்ட் மாஸ்டரான கார்த்திகேயன் முரளி 71-வது நகர்த்தலின் போது வீழ்த்தினார்.

உலக தரவரிசையில் 5-வது இடத்தில் உள்ள இந்திய கிராண்ட் மாஸ்டரான அர்ஜுன் எரிகைசி, நெதர்லாந்தின் அனிஷ் கிரி மோதிய ஆட்டம் 35-வது நகர்த்தலின் போது டிரா ஆனது.

புள்​ளி​கள் பட்​டியலில் முதலிடம் வகிக்​கும் ஜெர்​மனி​யின் வின்​சென்ட் கீமர், அமெரிக்​கா​வின் அவாண்​டர் லியாங்​குடன் மோதி​னார். கருப்பு காய்​களு​டன் விளை​யாடிய வின்​சென்ட் கீமர் 39-வது நகர்த்​தலின் போது வெற்றி பெற்​றார். முதல் 3 சுற்​றுகளில் வெற்​றிகளை குவித்​திருந்த வின்​சென்ட் கீமர் அடுத்த 3 சுற்​றுகளை​யும் டிரா செய்​திருந்​தார். தற்​போது 7-வது சுற்​றில் அவர், மீண்​டும் வெற்றி பாதைக்கு திரும்பி உள்​ளார். இன்னும் 2 சுற்றுகளே உள்ள நிலையில் 5.5 புள்ளிகளுடன் வின்சென்ட் கீமர் சாம்பியன் பட்டம் கைப்பற்றுவதை நெருங்கி உள்ளார்.

நெதர்​லாந்​தின் ஜோர்​டன் வான் பாரஸ்ட், இந்​தி​யா​வின் வி.பிரணவ் மோதிய ஆட்​டம் 98-வது நகர்த்​தலின் போது டிரா​வில் முடிவடைந்​தது. மற்​றொரு ஆட்​டத்​தில் அமெரிக்​கா​வின் ரே ராப்​சனை இந்​தி​யா​வின் நிஹால் சரின் 43-வது நகர்த்​தலின் போது தோற்​கடித்​தார்.

முழு​மை​யாக இந்​திய வீரர்​கள் கலந்து கொண்​டுள்ள சேலஞ்​சர்ஸ் பிரிவு 7-வது சுற்​றில் கிராண்ட் மாஸ்​ட​ரான ஹரிகா துரோணவல்லி 75-வது நகர்த்​தலின் போது சர்​வ​தேச மாஸ்​ட​ரான ஜி.பி.ஹர்​ஷ்வர்​தனிடம் தோல்வி அடைந்​தார். மற்​றொரு ஆட்​டத்​தில் ஆர்​.வைஷாலியை 76-வது நகர்த்​தலின் போது தோற்​கடித்​தார் எம்​.பிரனேஷ்.

ஆர்​யன் சோப்​ரா, அபிமன்யு புராணிக் மோதிய ஆட்​டம் 37-வது நகர்த்​தலின் போது டிரா ஆனது. திப்​தாயன் கோஷ், லியோன் லூக்மென்​டோன்கா​வுடன் பலப்​பரீட்சை நடத்​தி​னார். இதில் லியோன் லூக் மென்​டோன்கா 52-வது நகர்த்​தலின் போது வெற்றி பெற்​றார். பா.இனியன், அதிபன் பாஸ்​கரனுடன் மோதிய ஆட்​டம் 36-வது நகர்த்​தலின் போது டிரா​ ஆனது.

7 சுற்​றுகளின் முடி​வில் மாஸ்​டர்ஸ் பிரி​வில் வின்​சென்ட் கீமர் 5.5 புள்​ளி​களு​டன் முதலிடத்​தில் உள்​ளார். அர்​ஜுன் எரி​கைசி (4), முரளி கார்த்​தி​கேயன் (4), அனிஷ் கிரி (3.5), அவோண்​டர் லியாங் (3.5), ஜோர்​டான் வான் பாரஸ்ட் (3.5), விதித் குஜராத்தி (3), நிஹால் சரின் (3), வி.பிரணவ் (2.5), ரே ராப்​சன் (2.5) ஆகியோர் முறையே 2 முதல் 10-வது இடங்​களில் உள்​ளனர்.

சேலஞ்​சர்ஸ் பிரி​வில் எம்​.பிரனேஷ், லியோன் லூக் மென்​டோன்கா ஆகியோர் தலா 5.5 புள்​ளி​களு​டன் முதல் இரு இடங்​களில் உள்​ளனர். அபிமன்யு புராணிக் (5), அதிபன் பாஸ்​கரன் (4), பா.இனியன் (4), திப்​தாயன் கோஷ் (3.5), ஜி.பி.ஹர்​ஷ்வர்​தன் (3), ஆர்​யன் சோப்ரா (2), ஹரிகா துரோணவல்​லி (1.5), ஆர்​.வைஷாலி (1) ஆகியோர்​ முறையே 3 முதல்​ 10-வது இடங்​களில்​ உள்​ளனர்​.