10 அணிகள் கலந்து கொள்ளும் திருவள்ளூர் பிரீமியர் லீக் ஹாக்கி நாளை தொடக்கம்

சென்னை: திருவள்ளூர் பிரீமியர் லீக் ஹாக்கி தொடரின் 3-வது சீசன் சென்னை எழும்பூரில் உள்ள மேயர் ராதாகிருஷ்ணன் மைதானத்தில் நாளை (11-ம் தேதி) தொடங்குகிறது. வரும் 31-ம் தேதி வரை நடைபெறும் இந்தத் தொடரில் மொத்தம் 10 அணிகள் கலந்து கொள்கின்றன.

இதில் ‘ஏ’ பிரிவில் வருமான வரித்துறை, மாஸ்கோ மேஜிக், தியானத் வீரன்ஸ், ஜிஎஸ்டி & சென்ட்ரல் எக்சைஸ், இந்தியன் ஓவர்சீஸ் வங்கி ஆகிய 5 அணிகள் இடம் பெற்றுள்ளன. ‘பி’ பிரிவில் இந்தியன் வங்கி, ஏ.ஜி. அலுவலக அணி, எஸ்.எம். நகர் ஹாக்கி, பட்டாபிராம் ஸ்ட்ரைக்கர்ஸ், தெற்கு ரயில்வே ஆகிய அணிகள் இடம் பெற்றுள்ளன.

லீக் சுற்றில் ஒவ்வொரு அணி​யும் தனது பிரி​வில் உள்ள மற்ற அணி​களு​டன் தலா ஒரு முறை மோதும். லீக் சுற்​றின் முடி​வில் இரு பிரி​விலும் முதல் 3 இடங்​களை பிடிக்​கும் அணி​கள் சூப்​பர் 6 சுற்​றுக்கு முன்​னேறும். இதில் ஒவ்​வொரு அணி​யும் மற்ற அணி​யுடன் தலா ஒரு முறை மோதும்.

இந்த சுற்​றின் முடி​வில் முதலிடத்தை பிடிக்​கும் அணி இறு​திப் போட்​டிக்கு முன்​னேறும். 2-வது மற்​றும் 3-வது இடத்தை பிடிக்​கும் அணி​கள் பிளே ஆஃப் ஆட்​டத்​தில் விளை​யாடும். இதில் வெற்றி பெறும் அணி 2-வது அணி​யாக இறு​திப் போட்​டி​யில் கால்​ப​திக்​கும். இறு​திப் போட்டி 31-ம் தேதி நடை​பெறுகிறது. முதலிடத்தை பிடிக்​கும் அணிக்கு ரூ.50 ஆயிரம் பரிசுத் தொகை வழங்​கப்பட உள்​ளது. 2-வது இடத்தை பிடிக்​கும் அணிக்கு ரூ.30 ஆயிர​மும், 3-வது இடத்தை பிடிக்​கும் அணிக்கு ரூ.20 ஆயிரம் பரிசுத் தொகை கிடைக்​கும்.

இந்த தகவலை நேற்று சென்​னை​யில் நடை​பெற்ற பத்திரி​கை​யாளர்​கள் சந்​திப்​பின் போது லீக் இயக்​குன​ரான இந்​திய ஹாக்​கி​யின் லெஜண்ட் வி.​பாஸ்​கரன், திரு​வள்​ளூர் ஹாக்கி சங்க தலை​வர் பிர​காஷ் அய்​யாதுரை ஆகியோர் கூட்​டாக தெரி​வித்​தனர்.

ஒலிம்​பியன்​கள் முகமது ரியாஸ், திரு​மால்​வளவன், போட்​டி​யின் தொழில்​நுட்ப இயக்​குநர் மொகுல் முகம்​மது மூனீர், இந்​திய ஹாக்கி அணி​யின் பயிற்​சி​யாளர் சி.ஆர்​.கு​மார், இந்​திய அணி வீரர்​கள் மாரீஸ்​வரன்​, சதீஷ் ஆகியோர்​ உடனிருந்​தனர்​.