சென்னை கிராண்ட் மாஸ்டர்ஸ் செஸ் போட்டி: வின்சென்ட் கீமருக்கு 2-வது வெற்றி

சென்னை: குவாண்ட்பாக்ஸ் சென்னை கிராண்ட் மாஸ்டர்ஸ் செஸ் தொடரின் 3-வது பதிப்பு, சென்னையில் உள்ள நட்சத்திர ஓட்டலில் நடைபெற்று வருகிறது. போட்டியின் 2-வது நாளான நேற்று மாஸ்டர்ஸ் பிரிவு 2-வது சுற்றில் இந்திய கிராண்ட் மாஸ் டரான கார்த்திகேயன் முரளி, அமெரிக்க கிராண்ட் மாஸ்டரான அவோண்டர் லியாங்குடன் மோதினார். இந்த ஆட்டம் 42-வது நகர்த்தலின் போது டிரா ஆனது.

உலகின் 5-ம் நிலை வீரரான இந்தியாவின் அர்ஜுன் எரிகைசி, நெதர்லாந்து கிராண்ட் மாஸ்டரான ஜோர்டன் வான் பாரஸ்டுடன் மோதினார். இந்த ஆட்டம் 42-வது நகர்த்தலின் போது டிராவில் முடிவடைந்தது.

மற்றொரு இந்திய கிராண்ட் மாஸ்​டரான விதித் குஜ​ராத்​தி, அமெரிக்காவின் ரே ராப்​சனை எதிர்​கொண்​டார். இ​தில் 54-வது நகர்த்​தலின் போது விதித் குஜ​ராத்​தியை ரே ராப்​சன் தோற்​கடித்​தார்.

இந்​திய கிராண்ட் மாஸ்​ட​ரான நிஹால் சரின், உலக தரவரிசை​யில் 10-வது இடத்​தில் உள்ள நெதர்​லாந்​தின் அனிஷ் கிரி​யுடன் பலப்​பரீட்சை நடத்​தி​னார். இந்த ஆட்டம் 60-வது நகர்த்​தலின் போது டிரா​ ஆனது.

உலக தரவரிசை​யில் 27-வது இடத்​தில் உள்ள ஜெர்​மனி​யின் வின்​சென்ட் கீமர், இந்​திய கிராண்ட் மாஸ்​ட​ரான வி.பிரணவுடன் மோதி​னார். இதில், 46-வது நகர்த்​தலின் போது வின்​சென்ட் கீமர் வெற்றி பெற்​றார். இது அவருக்கு 2-வது வெற்​றி​யாக அமைந்​தது.

சேலஞ்​சர்ஸ் பிரிவு 2-வது சுற்​றில் சர்​வ​தேச மாஸ்​ட​ரான இந்​தி​யா​வின் ஜி.பி.ஹர்​ஷ்வர்​தன், இந்​திய கிராண்ட் மாஸ்​ட​ரான ஆர்​யன் சோப்​ரா​வுடன் மோதி​னார். இந்த ஆட்​டம் 21-வது நகர்த்​தலின் போது டிரா​வில் முடிவடைந்​தது. இந்​திய கிராண்ட் மாஸ்​டர்​களான திப்​தாயன் கோஷ், எம்.பிரனேஷ் மோதிய ஆட்​ட​மும் டிரா​வில் முடிவடைந்​தது. இந்த ஆட்​டம் 29-வது நகர்த்​தலின் போது டிரா ஆனது.

இந்​தி​யா​வின் முன்​னணி வீராங்​க​னை​களில் ஒரு​வ​ரான ஹரிகா துரோணவல்லி 2-வது தோல்​வியை சந்​தித்​தார். 2-வது சுற்​றில் அவர், இந்​திய கிராண்ட் மாஸ்​ட​ரான பா.இனியனுடன் மோதி​னார். இதில் 39-வது நகர்த்​தலின் போது பா.இனியன் வெற்​றியை வசப்​படுத்​தி​னார்.

அதேவேளை​யில் அதிபன் பாஸ்​கரன், ஆர்​.வைஷாலி மோதிய ஆட்​டம் டிரா​வில் முடிவடைந்​தது. அதிபன் பாஸ்​கரன் வெள்ளை காய்​களு​ட​னும், வைஷாலி கருப்பு காய்​களு​ட​னும் விளை​யாடி​னார்​கள். இந்த ஆட்​டம் 36-வது நகர்த்​தலின் போது டிரா ஆனது. மற்​றொரு ஆட்​டத்​தில் லியோன் லூக் மென்​டோன்​கா, அபிமன்யு புராணிக்கை சந்​தித்​தார். இதில் கருப்பு காய்​களு​டன் விளை​யாடிய அபிமன்யு புராணிக் 48-வது நகர்த்​தலின் போது வெற்றி பெற்​றார்.

2 சுற்​றுகளின் முடி​வில் மாஸ்​டர்ஸ் பிரி​வில் வின்​சென்ட் கீமர் 2 புள்​ளி​களு​டன் முதலிடத்​தில் உள்​ளார். ரே ராப்​சன், அர்​ஜுன் எரி​கைசி ஆகியோர் தலா 1.5 புள்​ளி​களு​டன் 2 மற்​றும் 3-வது இடத்​தில் உள்​ளனர்.

அனிஷ் கிரி, ஜோர்​டான் வான் பாரஸ்ட், கார்த்​திக்​கேயன் முரளி ஆகியோர் தலா ஒரு புள்​ளி​யுடன் 4 முதல் 6-வது இடங்​களில் உள்​ளனர். விதித் குஜராத்​தி, அவோண்​டர் லியாங், நிஹால் சரின், வி.பிரணவ் ஆகியோர் தலா 0.5 புள்​ளி​களு​டன் கடைசி 4 இடங்​களில் உள்​ளனர்.

சேலஞ்​சர்ஸ் பிரி​வில் அபிமன்யு புராணிக், எம்​.பிரனேஷ், திப்​தாயன் கோஷ், பா.இனியன் ஆகியோர் தலா 1.5 புள்​ளி​களு​டன் முதல் 4 இடங்​களில் உள்​ளனர். அதிபன் பாஸ்​கரன், ஆர்​.வைஷாலி, லியோன் லூக் மென்​டோன்கா ஆகியோர் தலா ஒரு புள்​ளி​யுடன்​ 5 முதல்​ 7-வது இடங்​களி​லும்​, ஆர்​யன்​ சோப்​​ரா, ஜி.பி.ஹர்​ஷ்வர்​தன்​ ஆகியோர்​ முறையே 8 மற்​றும்​ 9-வது இடங்​களில்​ உள்​ளனர்​. ஹரி​கா துரோணவல்​லி இன்​னும்​ புள்​ளிகள்​ கணக்கை தொடங்​க​வில்​லை.