கனடியன் ஓபன் டென்னிஸ்: இறுதிப் போட்டிக்கு முன்னேறினார் நவோமி ஒசாகா

மான்ட்ரியல்: க​ன​டா​வின் மான்ட்​ரியல் நகரில் கனடியன் ஓபன் சர்​வ​தேச மகளிர் டென்​னிஸ் போட்டி நடை​பெற்று வரு​கிறது. இதில் ஒற்​றையர் பிரிவு அரை இறு​தி​யில் 49-ம் நிலை வீராங்​க​னை​யான நவோமி ஒசா​கா, போட்​டித் தரவரிசை​யில் 19-வது இடத்​தில் உள்ள டென்​மார்க்​கின் கிளாரா டவுசனை எதிர்த்து விளை​யாடி​னார். இதில் நவோமி ஒசாகா 6-2, 7-6 (9-7) என்ற செட் கணக்​கில் வெற்றி பெற்று இறு​திப் போட்​டிக்கு முன்​னேறி​னார்.

4 கிராண்ட் ஸ்லாம் பட்​டங்​கள் வென்​றுள்ள நவோமி ஒசாகா இறு​திப் போட்​டி​யில், 85-ம் நிலை வீராங்​க​னை​யான கனடா​வின் விக்​டோரியா எம்​போகோவு
டன் பலப்​பரீட்சை நடத்​துகிறார். 18 வயதான விக்​டோரியா எம்​போகோ அரை இறுதி சுற்​றில் 9-ம் நிலை வீராங்​க​னை​யான கஜகஸ்​தானின் எலெனா ரைபகி​னாவை 1-6, 7-5, 7-6 (7-4) என்ற செட் கணக்​கில் வீழ்த்​தி​னார்.

ஒரு வருடத்துக்கும் மேலாக மகப்​பேறு விடுப்​பில் இருந்து 2024-ல் களத்​துக்கு திரும்​பிய உலகின் முன்​னாள் நம்​பர் ஒன் வீராங்​க​னை​யான நவோமி ஒசாகா தொடர்ச்​சி​யாக உயர்​மட்ட செயல் திறனை வெளிப்​படுத்த கடுமை​யாக போராடி வரு​கிறார். அவரது போ​ராட்​டத்​துக்கு கனடியன் ஓபன்​ தொடர்​ பலன்​ கொடுத்​துள்​ளது.

கச்சனோவ் அசத்தல்: கனடாவின் டொராண்டோ நகரில் டொராண்டோ மாஸ்டர்ஸ் டென்னிஸ் தொடர் நடைபெற்று வருகிறது. இதில் ஆடவர் ஒற்றையர் அரை இறுதி சுற்றில் போட்டித் தரவரிசையில் முதலிடத்தில் உள்ள ஜெர்மனியின் அலெக்ஸாண்டர் ஜிவேரேவ், 11-ம் நிலை வீரரான ரஷ்யாவின் கரேன் கச்சனோவை எதிர்த்து விளையாடினார். இதில் கரேன் கச்சனோவ் 6-3, 4-6, 7-6 (7-4) என்ற செட் கணக்கில் ஜிவேரேவை தோற்கடித்து இறுதிப் போட்டிக்கு முன்னேறினார்.

மற்றொரு அரை இறுதியில் போட்டித் தரவரிசையில் 2-ம் நிலை வீரரான அமெரிக்காவின் டெய்லர் பிரிட்ஸ், சகநாட்டைச் சேர்ந்த 4-ம் நிலை வீரரான பென் ஷெல்டனுடன் மோதினார். அதில் பென் ஷெல்டன் 6-4, 6-3 என்ற நேர் செட் கணக்கில் வெற்றி பெற்றார். கோப்பையை வெல்வதற்கான இறுதி ஆட்டத்தில் கரேன் கச்சனோவ் - பென் ஷெல்டன் பலப்பரீட்சை நடத்த உள்ளனர்.