மே.இ அணிக்கு எதிரான கடைசி டி 20 போட்டியிலும் ஆஸ்திரேலியா வெற்றி: தொடரை முழுமையாக கைப்பற்றியது

செயின்ட் கீட்ஸ்: மேற்கு இந்​தி​யத் தீவு​கள் அணிக்கு எதி​ரான 5-வது மற்​றும் கடைசி டி 20 போட்​டி​யில் 3 விக்​கெட்​கள் வித்​தி​யாசத்​தில் வெற்றி பெற்ற ஆஸ்​திரேலிய அணி தொடரை முழு​மை​யாக 5-0 என கைப்​பற்றி கோப்​பையை வென்​றது.

செயின்ட் கீட்​ஸில் உள்ள வார்​னர் பார்க் மைதானத்​தில் நேற்று நடை​பெற்ற கடைசி டி 20 ஆட்​டத்​தில் முதலில் பேட் செய்த மேற்கு இந்​தி​யத் தீவு​கள் அணி 19.4 ஓவர்​களில் 170 ரன்​களுக்கு ஆட்​ட​மிழந்​தது.

அதி​கபட்​ச​மாக ஷிம்​ரன் ஹெட்​மயர் 31 பந்​துகளில், 3 சிக்​ஸர்​கள், 3 பவுண்​டரி​களு​டன் 52 ரன்​கள் விளாசி​னார். ஷெர்​பேன் ரூதர்​போர்டு 35, ஜேசன் ஹோல்​டர் 20, மேத்யூ போர்டு 15 ரன்​கள் சேர்த்​தனர். ஆஸ்​திரேலிய அணி சார்​பில் பென் டுவார்​ஷு​யிஸ் 3, நேதன் எலிஸ் 2 விக்​கெட்​களை வீழ்த்​தினர்.

171 ரன்​கள் இலக்​குடன் பேட் செய்த ஆஸ்​திரேலிய அணி 17 ஓவர்​களில் 7 விக்​கெட்​கள் இழப்​புக்கு 173 ரன்​கள் எடுத்து வெற்றி பெற்​றது. மிட்​செல் ஓவன் 17 பந்​துகளில், 3 சிக்​ஸர்​கள், 3 பவுண்​டரி​களு​டன் 37 ரன்​கள் விளாசி​னார். கேமரூன் கிரீன் 32, டிம் டேவிட் 30, ஆரோன் ஹார்டி 28, மிட்​செல் மார்ஷ் 14 ரன்​கள் சேர்த்​தனர். மேற்கு இந்​தி​யத் தீவு​கள் அணி சார்​பில் அகீல் ஹோசைன் 3 விக்​கெட்​களை வீழ்த்​தி​னார். ஜேசன் ஹோல்​டர், அல்​சாரி ஜோசப் ஆகியோர் தலா 2 விக்​கெட்​களை கைப்​பற்​றினர்.

3 விக்​கெட்​கள் வித்​தி​யாசத்​தில் வெற்றி பெற்ற ஆஸ்​திரேலிய அணி 5 ஆட்​டங்​கள் கொண்ட டி 20 கிரிக்​கெட் தொடரை 5-0 என முழு​மை​யாக கைப்​பற்றி கோப்​பையை வென்​றது. ஒட்​டுமொத்​த​மாக கரீபியன் தீவு​கள் சுற்​றுப்​பயணத்தை ஆஸ்​திரேலிய அணி 8-0 என கைப்​பற்றி சாதனை படைத்​துள்​ளது. அந்த அணி 3 ஆட்​டங்​கள் கொண்ட டெஸ்ட் கிரிக்​கெட் தொடரை​யும் 3-0 என வென்​றிருந்​தது.