மே.இ தீவுகளுக்கு எதிரான டெஸ்ட் தொடரை முழுமையாக வென்றது ஆஸி. - பகலிரவு டெஸ்ட் ஹைலைட்ஸ்

கிங்ஸ்டன்: 3-வது டெஸ்ட் கிரிக்​கெட் போட்​டி​யில் மேற்கு இந்​தி​யத் தீவு​கள் அணியை 27 ரன்​களுக்கு ஆட்​ட​மிழக்​கச் செய்து 176 ரன்​கள் வித்​தி​யாசத்​தில் வெற்றி பெற்று தொடரை 3-0 என முழு​மை​யாக வென்​றது ஆஸ்​திரேலிய அணி. மிட்​செல் ஸ்டார்க் முதல் 15 பந்​துகளில் 5 விக்​கெட்​களை வீழ்த்​தி​யும், ஸ்காட் போலண்ட் ஹாட்​ரிக் விக்​கெட் வீழ்த்​தி​யும் சாதனை படைத்​தனர்.

மேற்கு இந்​தி​யத் தீவு​கள் - ஆஸ்​திரேலியா அணி​கள் இடையி​லான கடைசி மற்​றும் 3-வது பகலிரவு டெஸ்ட் கிரிக்​கெட் போட்டி கிங்​ஸ்​டனில் உள்ள சபினா பார்க்​கில் நடை​பெற்று வந்​தது. இதன் முதல் இன்​னிங்​ஸில் ஆஸ்​திரேலிய அணி 225 ரன்​களும், மேற்கு இந்​தி​யத் தீவு​கள் அணி 143 ரன்​களும் எடுத்​தன. 82 ரன்​கள் முன்​னிலை​யுடன் 2-வது இன்​னிங்ஸை விளை​யாடிய ஆஸ்​திரேலிய அணி 2-வது நாள் ஆட்​டத்​தின் முடி​வில் 29 ஓவர்​களில் 6 விக்​கெட்​கள் இழப்​புக்கு 99 ரன்​கள் எடுத்​தது.

கேமரூன் கிரீன் 42, பாட் கம்​மின்ஸ் 5 ரன்​களு​டன் களத்​தில் இருந்​தனர். நேற்று முன்​தினம் 3-வது நாள் ஆட்​டத்தை தொடர்ந்து விளை​யாடிய ஆஸ்​திரேலிய அணி37 ஓவர்​களில் 121 ரன்​களுக்கு ஆட்​ட​மிழந்​தது. கேமரூன் கிரீன் 42, பாட் கம்​மின்ஸ் 5, ஸ்காட் போலண்ட் 1, ஜோஷ் ஹேசில்​வுட் 4 ரன்​களில் நடையை கட்​டினர். மேற்கு இந்​தி​யத் தீவு​கள் அணி சார்​பில் அல்​சாரி ஜோசப் 5, ஷமர் ஜோசப் 4 விக்​கெட்​கள் வீழ்த்​தினர்.

204 ரன்​கள் இலக்​குடன் பேட் செய்த மேற்கு இந்​தி​யத் தீவு​கள் அணி 14.3 ஓவர்​களில் 27 ரன்​களுக்கு ஆட்​ட​மிழந்து தோல்வி அடைந்​தது. டெஸ்ட் போட்​டிகளில் மேற்கு இந்​தி​யத் தீவு​கள் அணி மிக குறைந்த ரன்​களுக்கு ஆட்​ட​மிழப்​பது இதுவே முதன்​முறை. இதற்கு முன்​னர் இதே மைதானத்​தில் கடந்த 2004-ம் ஆண்டு இங்​கிலாந்து அணிக்கு எதி​ராக 47 ரன்​களில் ஆட்​ட​மிழந்து இருந்​தது.

அதி​கபட்​ச​மாக ஜஸ்​டின் கிரீவ்ஸ் 11 ரன்​கள் சேர்த்​தார். அதற்கு அடுத்​த​படி​யாக மிகைல் லூயிஸ் 4, ஷாய் ஹோப் 2, அல்​ஸாரி ஜோசப் 4 ரன்​கள் சேர்த்​தனர். மற்ற அனைத்து பேட்​ஸ்​மேன்​களும் டக் அவுட்​டில் வெளி​யேறினர். உதிரி​களாக 6 ரன்​கள் வழங்​கப்​பட்​டிருந்​தன. டெஸ்ட் கிரிக்​கெட் வரலாற்​றில் மிகக்​குறைந்த ரன்​களுக்கு ஆட்​ட​மிழந்த 2-வது அணி என்ற மோச​மான சாதனையை படைத்​துள்​ளது மேற்கு இந்​தி​யத் தீவு​கள் அணி.

இதற்கு முன்​னர் 1955-ம் ஆண்டு இங்​கிலாந்து அணிக்கு எதி​ராக ஆக்​லாந்​தில் நடை​பெற்ற டெஸ்ட் போட்​டி​யில் நியூஸிலாந்து அணி 26 ரன்​களுக்கு சுருண்​டிருந்​தது. கிங்​ஸ்​டன் போட்​டி​யின் 14-வது ஓவரில் ஆஸ்​திரேலி​யின் தொடக்க வீர​ரான சாம் கான்​ஸ்​டாஸ் பீல்​டிங்​கில் தவறு செய்​த​தால் மேற்கு இந்​தி​யத் தீவு​கள் அணி ஒரு சிங்​கிள் எடுத்து 27 ரன்​களை எட்​டியது. இல்​லை​யெனில் நியூஸிலாந்து அணி​யின் 70 ஆண்​டு​கால எதிர்​மறை​யான சாதனையை மேற்கு இந்​தி​யத் தீவு​கள் அணி சமன் செய்​திருக்​கும்.

ஆஸ்​திரேலிய அணி தரப்​பில் மிட்​செல் ஸ்டார்க் 9 ரன்​களை விட்​டுக்​கொடுத்து 6 விக்​கெட்​களை வீழ்த்​தி​னார். இதில் அவர், முதல் 5 விக்​கெட்​களை வெறும் 15 பந்​துகளில் வீழ்த்​தி​யிருந்​தார். இதன் மூலம் டெஸ்ட் கிரிக்​கெட் வரலாற்​றில் குறைந்த பந்​துகளில் 5 விக்​கெட்​களை வீழ்த்திய வீரர் என்ற சாதனையை படைத்​தார். இதற்கு முன்பு 1947-ம் ஆண்டு பிரிஸ்​பனில் இந்​தி​யா​வுக்கு எதி​ராக ஆஸ்​திரேலி​யா​வின் எர்னி டோஷாக், 2015-ம் ஆண்டு டிரென்ட் பிரிட்​ஜில் ஆஸ்​திரேலி​யா​வுக்கு எதி​ராக இங்​கிலாந்​தின் ஸ்டூவர்ட் பிராட் மற்​றும் 2021-ம் ஆண்டு மெல்​பர்​னில் இங்​கிலாந்​துக்கு எதி​ராக ஆஸ்​திரேலி​யா​வின் ஸ்காட் போலண்ட் ஆகியோர் தலா 19 பந்​துகளில் 5 விக்​கெட்​களை வீழ்த்​தி​யிருந்​தனர். இந்த சாதனையை தற்​போது முறியடித்து புதிய சாதனையை படைத்​துள்​ளார் மிட்​செல் ஸ்டார்க்.

இலக்கை துரத்​திய மேற்கு இந்​தி​யத் தீவு​கள் அணிக்கு முதல்ஓவரிலேயே மெய்​டன் ஓவருடன் 3 விக்​கெட்​களை சாய்த்து அதிர்ச்சி கொடுத்​திருந்​தார் மிட்​செல் ஸ்டார்க். இதன் மூலம் டெஸ்ட் கிரிக்​கெட் வரலாற்​றில் முதல் ஓவரிலேயே 3 விக்​கெட்​களை வீழ்த்​திய 2-வது வேகப்​பந்து வீச்​சாளர் என்ற பெரு​மை​யை​யும் அவர், பெற்​றார். இதற்கு முன்​னர்2006-ம் ஆண்டு கராச்சி டெஸ்ட்போட்​டி​யில் இந்​தி​யா​வின் இர்​பான் பதான் முதல் ஓவரிலேயே ஹாட்​ரிக் விக்​கெட்​கள் வீழ்த்தி சாதனை படைத்​திருந்​தார்.

மிட்​செல் ஸ்டார்க்​கின் அனல் பறந்த வேகத்​தில் மேற்கு இந்​தி​யத் தீவு​கள் அணி 11 ரன்​களுக்கு 6 விக்​கெட்​கள் என மட்​டுப்​படுத்​தப்​பட்​டது. மிட்​செல் ஸ்டார்க்​கிற்கு உறு​துணை​யாக பந்து வீசிய ஸ்காட் போலண்ட் ஹாட்​ரிக் விக்​கெட் வீழ்த்தி சாதனை படைத்​தார். 14-வது ஓவரை வீசிய ஸ்காட்போலண்ட் முதல் மூன்று பந்​துகளி​லும் ஜஸ்​டின் கிரீவ்ஸ் (11), ஷமர் ஜோசப் (0), ஜோமல் வாரிக்​கன் (0) ஆகியோரை ஆட்​ட​மிழக்​கச் செய்து ஹாட்​ரிக் சாதனை நிகழ்த்​தி​னார். இதன் மூலம் அவர், டெஸ்ட் கிரிக்​கெட்​டில் ஹாட்​ரிக் விக்​கெட் வீழ்த்​திய 10-வது ஆஸ்​திரேலிய வீரர் என்ற பெரு​மையை பெற்​றார்.

176 ரன்​கள் வித்​தி​யாசத்​தில் வெற்றி பெற்ற ஆஸ்​திரேலிய அணி 3 டெஸ்ட் போட்​டிகள் கொண்ட தொடரை 3-0 என முழு​மை​யாக கைப்​பற்றி பிராங்க் வொரெல் டிராபியை வென்​றது. பார்​ப​டாஸில் நடை​பெற்ற முதல் டெஸ்​டில் 159 ரன்​கள் வித்​தி​யாசத்​தி​லும், கிரன​டா​வில் நடை​பெற்ற 2-வது டெஸ்​டில் 133 ரன்​கள் வித்​தி​யாசத்​தி​லும் ஆஸ்​திரேலிய அணி வெற்றி கண்​டிருந்​தது. மூன்று அல்​லது அதற்கு மேற்​பட்ட டெஸ்ட் போட்​டிகள் கொண்ட தொடரில் மேற்​கு இந்​தி​யத்​ தீவு​கள்​ அணி சொந்​த மண்​ணில்​ தொடரை ​முழுமை​யாக இழப்​பது இதுவே முதல் முறை.