பாண்டிச்சேரி பிரிமியர் லீக்: காரைக்கால் நைட்ஸ் வெற்றி!

புதுச்சேரி: பாண்டிச்சேரி பிரிமியர் லீக் டி20 கிரிக்கெட் தொடர் அங்குள்ள சீகெம் மைதானத்தில் நடைபெற்று வருகிறது. இதில் நேற்று நடைபெற்ற லீக் ஆட்டத்தில் ரூபி ஒயிட் டவுன் லெஜண்ட்ஸ் - காரைக்கால் நைட்ஸ் அணிகள் மோதின.

முதலில் பேட் செய்த ரூபி அணி 6 விக்கெட் இழப்புக்கு 172 ரன்கள் எடுத்தது. அதிகபட்சமாக ஆனந்த் பயஸ் 60 லோகேஷ் பிரபாகரன் 37 ரன்கள் சேர்த்தனர்.

173 ரன்கள் இலக்குடன் விளையாடிய காரைக்கால் அணி 19.3 ஒவர்களில் 7 விக்கெட் இழப்புக்கு 173 ரன்கள் எடுத்து 3 விக்கெட் வித்தியாசத்தில் வெற்றி பெற்றது. அதிகபட்சமாக அங்கித் சர்மா 34 பந்துகளில், 57 ரன்களும் முஹமது ஜவாத் 38 பந்துகளில் 55 ரன்களும் எடுத்து வெற்றிக்கு உதவினர்.