இலங்கைக்கு எதிரான டெஸ்ட்: இன்னிங்ஸ் தோல்வியை தவிர்க்க போராடும் வங்கதேசம்

கொழும்பு: இலங்​கைக்கு எதி​ரான 2-வது கிரிக்​கெட் டெஸ்ட் போட்​டி​யில் இன்​னிங்ஸ் தோல்​வியைத் தவிர்க்க வங்​கதேச அணி போராடி வரு​கிறது.

இலங்கை - வங்​கதேச அணி​களுக்கு இடையி​லான கடைசி மற்​றும் 2-வது டெஸ்ட் கிரிக்​கெட் போட்டி கொழும்பு நகரில் நடை​பெற்று வரு​கிறது. இதில் முதலில் விளை​யாடிய வங்​கதேசம் 79.3 ஓவர்​களில் 247 ரன்​களுக்கு ஆட்​ட​மிழந்​தது. இதையடுத்து முதல் இன்​னிங்ஸை விளை​யாடிய இலங்கை அணி, 2-ம் நாள் ஆட்ட நேர இறு​தி​யில் 2 விக்​கெட் இழப்​புக்கு 290 ரன்​கள் எடுத்​திருந்​தது.

இந்​நிலை​யில் நேற்று 3-ம் நாள் ஆட்​டத்தை பதும் நிசங்கா 146 ரன்​களு​ட​னும், பிர​பாத் ஜெயசூர்யா 5 ரன்​களு​ட​னும் தொடங்கினர். பதும் நிசங்கா 158 ரன்​கள் எடுத்த நிலை​யில் ஆட்​ட​மிழந்​தார். பிர​பாத் ஜெயசூர்யா 10 ரன்​களும், தனஞ்​செய டி சில்வா 7 ரன்​களும், கமிந்து மெண்​டிஸ் 33 ரன்​களும் எடுத்து வீழ்ந்​தனர்.

ஆனால் குசல் மெண்​டிஸ் அதிரடி​யாக விளை​யாடி 87 பந்​துகளில் 84 ரன்​கள் குவித்​தார். 116.5 ஓவர்​களில் 458 ரன்​களுக்கு இலங்கை அணி ஆட்​ட​மிழந்​தது. தைஜுல் இஸ்​லாம் 5, நயீம் ஹசன் 3, நஹித் ராணா ஒரு விக்​கெட் வீழ்த்​தினர்.

இதையடுத்து 211 ரன்​கள் பின்​தங்​கிய நிலை​யில் 2-வது இன்​னிங்ஸை வங்​கதேச அணி தொடர்ந்து விளை​யாடியது. ஆனால், இலங்கை வீரர்​களின் சிறப்​பான பந்​து​வீச்​சால் அந்த அணி 3-ம் நாள் ஆட்ட நேர இறு​தி​யில் 6 விக்​கெட் இழப்​புக்கு 115 ரன்​கள் எடுத்து தடு​மாறி வரு​கிறது.

ஷத்​மான் இஸ்​லாம் 12, அனா​முல் ஹக் 19, மோமினுல் ஹக் 15, நஜில் ஹொசைன் ஷன்டோ 19, முஷ்பிகுர் ரஹிம் 26, மெஹதி ஹசன் மிராஸ் 11 ரன்​கள் எடுத்து வீழ்ந்​தனர். லிட்​டன் தாஸ் 13 ரன்​களு​டன் ஆட்​ட​மிழக்​காமல் உள்ளார். தற்​போது 96 ரன்​கள் பின்​தங்​கிய நிலை​யில் இன்​னிங்ஸ் தோல்​வியைத் தவிர்க்க வங்​கதேச அணி போராடி வரு​கிறது.

இலங்கை தரப்​பில் தனஞ்​செய டி சில்​வா, பிர​பாத் ஜெயசூர்ய ஆகியோர் தலா 2 விக்​கெட்​களை வீழ்த்​தினர். தரிந்து ரத்​னாயக, அசிதா பெர்​னாண்டோ ஆகியோர் தலா ஒரு விக்​கெட்​டைக் கைப்​பற்​றினர்.