நேஹல் வதேரா, சஷாங்க், ஹர்பிரீத் அபாரம்: ராஜஸ்தானை வீழ்த்தியது பஞ்சாப் கிங்ஸ் அணி

ஜெய்ப்பூர்: ஐபிஎல் கிரிக்​கெட் போட்​டி​யின் லீக் ஆட்​டத்​தில் பஞ்​சாப் கிங்ஸ் அணி 10 ரன்​கள் வித்​தி​யாசத்​தில் ராஜஸ்​தான் ராயல்ஸ் அணியை வீழ்த்​தி​யது. பஞ்​சாபின் நேஹல் வதே​ரா, சஷாங்க் சிங், ஹர்​பிரீத் பிரார் ஆகியோர் சிறப்​பாக செயல்​பட்டு அணிக்கு வெற்றி தேடித் தந்​தனர்.

இந்த ஆட்​டம் ராஜஸ்​தான் மாநிலம் ஜெய்ப்​பூரிலுள்ள சவாய் மான் சிங் மைதானத்​தில் நேற்று மாலை 3.30மணிக்கு நடை​பெற்​றது. முதலில் விளை​யாடிய பஞ்​சாப் அணி 20 ஓவர்​களில் 5 விக்​கெட் இழப்​புக்கு 219 ரன்​கள் குவித்​தது.

பிரியன்ஷ் ஆர்யா 9, மிட்​செல் ஓவன் 0, பிரப்​சிம்​ரன் 21 ரன்​கள் எடுத்து ஆட்​டம் இழந்​தனர். இதனால் அந்த அணி 3 விக்​கெட் இழப்​புக்கு 34 ரன்​கள் எடுத்து தள்​ளாடியது. ஆனால், அதன் பின்​னர் களத்​துக்கு வந்த நேஹல் வதே​ரா, ஸ்ரேயஸ் ஐயர் ஜோடி எதிரணி​யின் பந்​து​வீச்சை விளாசித் தள்​ளியது.
ஸ்ரேயஸ் ஐயர் 25 பந்​துகளில் 30 ரன்​கள்(5 பவுண்​டரி​கள்) எடுத்து ஆட்​ட​மிழந்​தார். நேஹல் வதேரா அதிரடி​யாக விளை​யாடி 37 பந்​துகளில் 70 ரன்​கள் குவித்​தார். அவரது ஸ்கோரில் 5 பவுண்​டரி​கள், 5 சிக்​ஸர்​கள் அடங்​கும்.

6-வது விக்​கெட்​டுக்கு ஜோடி சேர்ந்த சஷாங்க் சிங்​கும், அஸ்​மத்​துல்லா ஓமர்​ஸா​யும் அதிரடி​யாக விளை​யாடி ரன்​களைக் குவித்​தனர். 20 ஓவர்​கள் முடி​வில் சஷாங்க் சிங் 30 பந்​துகளில் 59 ரன்​களும், அஸ்​மத்​துல்லா 9 பந்​துகளில் 21 ரன்​களும் எடுத்து ஆட்​ட​மிழக்​காமல் இருந்​தனர்.

பின்​னர் 220 ரன்​கள் எடுத்​தால் வெற்றி என்ற இலக்​குடன் விளை​யாடிய பஞ்​சாப் அணி 20 ஓவர்​களில் 7 விக்​கெட் இழப்​புக்கு 209 ரன்​கள் மட்​டுமே எடுத்​தது. இதையடுத்து 10 ரன்​கள் வித்​தி​யாசத்​தில் பஞ்​சாப் வெற்றி பெற்​றது. யஷஸ்வி ஜெய்​ஸ்​வால் 50, வைபவ் சூர்​ய​வன்ஷி 40, சஞ்சு சாம்​சன் 20, ரியான் பராக் 13, துருவ் ஜூரெல் 53,ஷிம்​ரன் ஹெட்​மயர் 11 ரன்​கள் எடுத்​தனர்.

ராஜஸ்​தான் வீரர்​கள் அதிரடி​யாக ரன் குவித்து வெற்​றியை நெருங்கி வந்​தனர். ஆனால், கடைசி ஓவரில் 22 ரன்​கள் எடுக்க வேண்​டிய கட்​டா​யத்​தில் அந்த அணி இருந்​தது. அப்​போது களத்​தில் துருவ் ஜூரெலும், ஷுபம் துபே​வும் இருந்​தனர். கடைசி ஓவரை மார்கோ யான்​சன் வீசி​னார்.

இந்த ஓவரின் 3-வது பந்​தில் துருவ் ஜூரெலை​யும், 4-வது பந்​தில் ஹசரங்​காவை யும் யான்​சன் வீழ்த்​தி​னார். கடைசி 2 பந்​துகளில் கெவானா மாபாகா 2 பவுண்​டரி​களை விளாசி​னார். இருந்​த​போதும் வெற்​றிக்​குத் தேவை​யான ரன்​களை ராஜஸ்​தான் அணி​யால்எடுக்க முடிய​வில்​லை. பஞ்​சாப் தரப்​பில் ஹர்​பிரீத் பிரார் 3, மார்கோ யான்​சன், அஸ்​மத்​துல்லா ஓமர்​ஸாய் ஆகியோர் தலா2 விக்​கெட்​களைக் கைப்​பற்​றினர்.

3 விக்​கெட்​களை வீழ்த்​திய ஹர்​பிரீத் பிரார் ஆட்​ட​நாயக​னாக தேர்வு செய்​யப்​பட்​டார். பஞ்​சாப் அணி 12 போட்​டிகளில் விளை​யாடி 8 வெற்​றி, 3 தோல்​வி, ஒரு முடிவு இல்​லாத ஆட்​டம் என மொத்​தம் 17 புள்​ளி​களைப் பெற்று பட்​டியலில் முன்​னேறி​யுள்​ளது. ராஜஸ்​தான் அணி 13 ஆட்​டங்​களில் விளை​யாடி 3 வெற்​றி, 10 தோல்வி​கள்​ என 6 புள்​ளி​களு​டன்​ பட்​டியலில்​ 9-வது இடத்​தில்​ உள்​ளது.