ரிக்கெல்டன், சூர்யகுமார், பும்ரா அசத்தல்: மும்பை அணிக்கு 5-வது வெற்றி | MI vs LSG

மும்பை: ஐபிஎல் கிரிக்​கெட் தொடரின் லீக் ஆட்​டத்​தில் மும்பை இந்​தி​யன்ஸ் அணி 54 ரன்​கள் வித்​தி​யாசத்​தில் லக்னோ சூப்​பர் ஜெயண்ட்ஸ் அணியை வீழ்த்​தி​யது.

இந்த ஆட்​டம் மும்பை வான்​கடே மைதானத்​தில் இன்று மாலை 3.30 மணிக்கு நடை​பெற்​றது. முதலில் விளை​யாடிய மும்பை இந்​தி​யன்ஸ் அணி 20 ஓவர்​களில் 7 விக்​கெட் இழப்​புக்கு 215 ரன்​கள் குவித்​தது.

ரியான் ரிக்​கெல்​டன் 58 ரன்​கள் (32 பந்​துகள், 6 சிக்​ஸர், 4 பவுண்​டரி) குவித்து அசத்​தி​னார். ரோஹித் சர்மா 12, வில் ஜேக்ஸ் 29 (21 பந்​து, 3 பவுண்​டரி, ஒரு சிக்​ஸர்), திலக் வர்மா 6, ஹர்​திக் பாண்​டியா 5, கார்​பின் போஷ் 20 ரன்​கள் சேர்த்​தனர். சூர்​யகு​மார் யாதவ் அதிரடி​யாக விளை​யாடி 28 பந்​துகளில் 54 ரன்​கள் விளாசி​னார். நமன் திர் 11 பந்​துகளில் 25 ரன்​கள் குவித்து ஆட்​ட​மிழக்​காமல் இருந்தார்.

லக்னோ அணி தரப்​பில் மயங்க் யாதவ், அவேஷ் கான் ஆகியோர் தலா 2, பிரின்ஸ் யாதவ், திக்​வேஷ் ராத்​தி, ரவி பிஷ்னோய் ஆகியோர் தலா ஒரு விக்​கெட் வீழ்த்​தினர். பின்​னர் 216 ரன்​கள் எடுத்​தால் வெற்றி என்ற இலக்​குடன் விளை​யாடிய லக்னோ அணி 20 ஓவர்​களில் 161 ரன்​களுக்கு ஆட்​ட​மிழந்து தோல்வி கண்​டது.

மிட்​செல் மார்ஷ் 34, எய்​டன் மார்​கிரம் 9, நிக்​கோலஸ் பூரன் 27, ரிஷப் பந்த் 4, ஆயுஷ் பதோனி 35, டேவிட் மில்​லர் 24, அப்​துல் சமத் 2, ரவி பிஷ்னோய் 13, அவேஷ் கான் 0, பிரின்ஸ் யாதவ் 4 ரன்​கள் எடுத்​தனர். மும்பை அணி தரப்​பில் பும்ரா 4, போல்ட் 3, ஜேக்ஸ் 2, கார்​பின் போஷ் ஒரு விக்​கெட் வீழ்த்​தினர்.

இதையடுத்து 54 ரன்​கள் வித்​தி​யாசத்​தில் வெற்றி பெற்ற மும்​பை, இந்​தத் தொடரில் தொடர்ச்​சி​யாக 5-வது வெற்​றியைப் பதிவு செய்​தது. இதன்​மூலம் 10 ஆட்​டங்​களில் விளை​யாடி 6 வெற்​றி, 4 தோல்வி​களைப் பெற்று 12 புள்​ளி​களு​டன் பட்​டியலில் மும்பை இந்​தி​யன்ஸ் அணி 2-வது இடத்துக்கு முன்​னேறி​யுள்​ளது.

அதிக சிக்ஸர்கள்: ரோஹித் 2-ம் இடம் - ஐபிஎல் கிரிக்கெட் வரலாற்றில் அதிக சிக்ஸர்கள் அடித்தவர்கள் வரிசையில் மும்பை இந்தியன்ஸ் அணி வீரர் ரோஹித் சர்மா 2-வது இடம் பெற்றுள்ளார். அவர் இதுவரை 297 சிக்ஸர்களை விளாசியுள்ளார்.

லக்னோ சூப்பர் ஜெயண்ட்ஸ் அணிக்கெதிராக மும்பை வான்கடே மைதானத்தில் நேற்று நடைபெற்ற போட்டியில் ரோஹித் சர்மா, 12 ரன்கள் எடுத்து ஆட்டமிழந்தார். அவரது ஸ்கோரில் 2 சிக்ஸர்கள் அடங்கும்.

இதன்மூலம் அவர் ஐபிஎல் போட்டிகளில் 297 சிக்ஸர்களை விளாசி பட்டியலில் 2-வது இடத்தைப் பிடித்துள்ளார். இந்தப் பட்டியலில் கிறிஸ் கெயில் 357 சிக்ஸர்களுடன் முதலிடத்தில் நீடிக்கிறார். இந்தப் பட்டியலில் 3-வது இடத்தில் விராட் கோலியும், 4-வது இடத்தில் எம்.எஸ். தோனியும், 5-வது இடத்தில் ஏபி டிவில்லியர்ஸும் உள்ளனர்.

29 ரன்​கள் குவித்​ததோடு, ஒரே ஓவரில் 2 விக்​கெட் வீழ்த்​திய வில் ஜேக்ஸ் ஆட்​ட​நாயக​னாகத் தேர்​வா​னார். இது​வரை, லக்னோ அணி 10 போட்​டிகளில் விளை​யாடி 5-ல் வெற்​றி, 5-ல் தோல்​வி​யுடன் 10 புள்​ளி​களை எடுத்​துள்​ளது.இந்த ஆட்​டத்​தில் வெற்றி பெற்​றதுடன் சேர்த்து இந்​தத் தொடரில் தொடர்ச்​சி​யாக 5 வெற்​றிகளை மும்பை அணி பதிவு செய்​துள்​ளது. இதற்கு முன்பு 2008-ல் 6 முறை தொடர்ச்​சி​யாக வெற்​றியைப் பதிவு செய்​தது அந்த அணி. மேலும் 2010, 2013, 2015, 2017, 2020-ம் ஆண்​டு​களி​லும் மும்பை அணி தொடர்ச்​சி​யாக 5 வெற்​றிகளைப் பதிவு செய்​திருந்​தது.

அதே​போல் மும்பை அணிக்​காக ஐபிஎல் போட்​டிகளில் 174 விக்​கெட்​களை எடுத்து அதிக விக்​கெட்​களை எடுத்​தவர் பட்​டியலில் முதலிடம் பிடித்​துள்​ளார் பும்​ரா. அவருக்கு அடுத்​த​படி​யாக மும்பை அணிக்​காக லசித் மலிங்கா 170 விக்​கெட்​களும், ஹர்​பஜன் சிங் 127 விக்​கெட்​களும், மிட்​செல் மெக்​கிளெனகன் 71 விக்​கெட்​களும், கெய்​ரன் போலார்ட் 69 விக்​கெட்​களும்​, ஹர்​திக்​ பாண்​டி​யா 65 விக்​கெட்​களும்​ எடுத்துள்ளனர்.