பிலிப் சால்ட், விராட் கோலி அதிரடி: ராஜஸ்தானை வீழ்த்தியது பெங்களூரு அணி

ஜெய்ப்பூர்: ஐபிஎல் கிரிக்​கெட் போட்​டி​யின் லீக் ஆட்​டத்​தில் ராயல் சாலஞ்​சர்ஸ் பெங்​களூரு அணி 9 விக்​கெட்​கள் வித்​தி​யாசத்​தில் ராஜஸ்​தான் ராயல்ஸ் அணியை வீழ்த்​தி​யது.

ராஜஸ்​தானின் ஜெய்ப்​பூரிலுள்ள சவாய் மான்​சிங் மைதானத்​தில் இந்த ஆட்​டம் நேற்று பிற்​பகல் 3.30 மணிக்கு நடை​பெற்​றது. முதலில் விளையாடிய ராஜஸ்​தான் அணி 20 ஓவர்​களில் 4 விக்​கெட்​கள் இழப்​புக்கு 173 ரன் குவித்தது.

தொடக்க ஆட்​டக்​காரர்​களாக யஷஸ்வி ஜெய்​ஸ்​வாலும், சஞ்சு சாம்​சனும் களமிறங்​கினர். சஞ்சு சாம்​சன் 15, ரியான் பராக் 30 ரன்​கள் சேர்த்​தனர். அடுத்து வந்த துருவ் ஜூரெலும், யஷஸ்வி ஜெய்​ஸ்​வாலும் அதிரடி​யாக விளை​யாடினர்.

யஷஸ்வி ஜெய்​ஸ்​வால் அற்​புத​மாக விளை​யாடி 47 பந்​துகளில் 75 ரன்​கள் (10 பவுண்​டரி, 2 சிக்​ஸர்) எடுத்​த நிலை​யில் ஆட்​ட​மிழந்​தார். துருவ் ஜூரெல் 23 பந்​துகளில் 35 ரன்​கள் எடுத்து ஆட்​ட​மிழக்​காமல் இருந்​தார்.

பின்​னர் 174 ரன்​கள் எடுத்​தால் வெற்றி என்ற இலக்​குடன் விளை​யாடத் தொடங்​கிய பெங்​களூரு அணி 17.3 ஓவர்​களில் ஒரு விக்​கெட் இழப்​புக்கு 175 ரன்​கள் எடுத்து வெற்றி கண்​டது. தொடக்க ஆட்​டக்​காரர்​களாக களமிறங்​கிய பிலிப் சால்ட்​டும், விராட் கோலி​யும் பவுண்​டரி​யும், சிக்​ஸர்​களு​மாக பறக்​க​விட்​டனர்.

அதிரடி​யாக விளை​யாடிய பிலிப் சால்ட் 33 பந்​துகளில் 65 ரன்​கள் குவித்து ஆட்​ட​மிழந்​தார். அவரது ஸ்கோரில் 5 பவுண்​டரி​களும், 6 சிக்​ஸர்​களும் அடங்​கும்.

இதைத் தொடர்ந்து விராட் கோலி​யுடன் இணைந்த தேவ்​தத் படிக்​கல்​லும் பந்​துகளை விளாசி ரன்​களைக் குவித்​தார். இறு​தி​யில் 17.3 ஓவர்​களில் பெங்​களூரு அணி இலக்கை எட்டி வெற்றி பெற்​றது.

விராட் கோலி 45 பந்தில் 62 ரன்களும் (4 பவுண்​டரி, 2 சிக்​ஸர்), தேவ்​தத் படிக்​கல் 28 பந்​தில் 40 ரன்​களும் (5 பவுண்​டரி, ஒரு சிக்​ஸர்) எடுத்து ஆட்டமிழக்​காமல் இருந்​தனர். ஆட்​ட​நாயக​னாக பிலிப் சால்ட்​ தேர்​வு செய்​யப்பட்​டார்​.